Beıjiń-2022: Erteń ıÝlııa Galysheva jarys jolyna shyǵady

NUR-SULTAN. QazAqparat – Beıjińde 4-20 aqpan aralyǵynda ótetin Qysqy Olımpıadada Ulttyq ulannan 6 sportshy el namysyn qorǵaıdy, dep habarlaıdy QazAqparat tilshisi.

QR Ulttyq ulany «Batys» óńirlik qolbasshylyǵy baspasóz qyzmetiniń jetekshisi, podpolkovnık Erbolat Sultanovtyń málim etkenindeı, bıatlonnan aǵa leıtenant Galına Vıshnevskaıa-Sheporenko men qatardaǵy jaýynger Aleksandr Mýhın synǵa túsedi.

Olımpıadanyń ashylý saltanatynda shorttrekshi Abzal Ájiǵalıevpen birge Qazaqstannyń kók baıraǵyn ustap shyǵatyn efreıtor Ekaterına Aıdova konkı sportynan úsh qashyqtyqta óner kórsetedi.

Frıstaıldan aǵa leıtenant ıÝlııa Galysheva men kishi serjant Dmıtrıı Reıherd, akrobatıkadan qatardaǵy jaýynger Janbota Aldabergenovaǵa senim artylyp otyr.

2018 jylǵy Olımpıadanyń qola júldegeri ıÝ.Galysheva – Qazaqstannyń basty úmitteriniń biri. Ol erteń irikteý saıysyna qatysady.

Olımpıadashylarǵa QR Ulttyq ulany sporttyq komandasyn daıarlaý ortalyǵynyń bas bapkeri, polkovnık Sátjan Ábishev sáttilik tiledi.

«Olımpıada oıyndarynda eshkimge de jarys jeńil tımeıdi. Sondyqtan sportshylarǵa barlyq sheberlikterin kórsete bilip, jankúıerlerin qýantýǵa tilektestik bildiremiz», dedi S.Ábishev.