Beıjiń-2022: Dmıtrıı Reıherdke júlde buıyrmady

NUR-SULTAN. QazAqparat - Beıjińde ótip jatqan Qysqy Olımpıada oıyndarynda frıstaıl mogýldan Dmıtrıı Reıherd júldesiz qaldy, dep habarlaıdy QazAqparat tilshisi.

Dmıtrıı Reıherd Olımpıadalyq týrnırdiń úshinshi fınalyna óte almady.

Ekinshi fınaldyń qorytyndysy boıynsha Reıherd 76,77 upaı jınady. Ókinishke qaraı bul kórsetkish ony jarystyń negizgi fınalyna shyǵýyna azdyq etti. Osylaısha, úzdik alty sportshynyń qatarynan shyǵyp qaldy.

Frıstaıldan Qazaqstan quramasynda ıÝlııa Galysheva da bar. Sondaı-aq, Aıaýlym Ámirenova, Olesıa Graýr, Anastasııa Gorodko, Dmıtrıı Reıherd jáne Pavel Kolmakovqa jankúıer bolamyz.

Beıjiń qalasyndaǵy 2022 jylǵy Qysqy Olımpıadada sporttyń jeti túrinen 109 medal jıyntyǵy sarapqa salynady. Aq Olımpıadada elimizdiń atynan 34 sportshy 85 joldama boıynsha synǵa túsedi.

Aıta keteıik, jarys Beıjiń ortalyǵy, ıAntsın jáne Chjantszıakoý sekildi úsh aımaqta ótedi.

Beıjińde kerlıng, hokkeı, konkımen júgirý sporty, erler men áıelder arasyndaǵy snoýbordıng, shańǵy frıstaılyndaǵy bıg-eır básekelerin qabyldaıdy.

Al astana mańynda ornalasqan ıAntsınde shańǵy, bobsleı, skeleton jáne shana sportynda medaldar júldeleri sarapqa salynady.

Hebeı provıntsııasynda ornalasqan Chjantszıakoý qalasynda snoýbordıng, shańǵy sportynyń barlyq túri jáne bıatlon jarystaryn qabyldaıdy.