Beıjiń-2022: Búgin qazaqstandyq sportshylar qalaı óner kórsetti
Sporttyń 2 túrinen 3 atletimiz el namysyn qoǵaǵan bolatyn. Ókinishke qaraı úsheýi de jarysty júldesiz aıaqtady.
Búgin Chjantszıakoý qalasynda qazaqstandyq sportshylar arasynan birinshi bolyp shańǵyshy Evgenıı Velıchko jarys jolyna shyqty. Alaıda Chjantszıakoýda aýa raıynyń nasharlaýyna baılanysty shańǵy jarysynan erler arasyndaǵy mass-start 50 shaqyrymnan 30 shaqyrymǵa qysqartyldy. Nátıjesinde 61 sportshy arasynan otandasymyz 43-shi bolyp máre syzyǵyn kesti.
Bul marafonda bas júldeni reseılik Aleksandr Bolshýnov (1:11:32.7) jeńip aldy. Kúmis medalǵa taǵy bir reseılik atlet Ivan ıAkımýshkın (+5.5) ıe bolsa, úzdik úshtikti Norvegııa ókili Sımen Hegstad Krıýger (+7.0) túıindedi.
Ondan keıin konkımen júgirýden mass-start boıynsha erler jáne áıelder arasynda jartylaı fınaldyq básekeler bastaldy.
Bul synda erler arasynda Dmıtrıı Morozov el namysyn qorǵasa, áıelder arasynda Nadejda Morozova synǵa tústi.
Alaıda, Dmıtrıı Morozov jartylaı fınalda 10-oryn alyp, fınalǵa shyǵa almady.
Nadejda Morozova jartylaı fınalda máre syzyǵyna 8-shi bolyp jetip, fınalǵa ótti. Al aqtyq básekede 16 sportshy arasynan 15-shi bolyp kelip, júldeden tys qaldy.
Konkımen júgirýden mass-start boıynsha áıelder arasynda altyn medaldi gollandııalyq konkıshi Iren Shaýten (8:14.73) jeńip aldy. Al kúmis júldege kanadalyq Ivanı Blonden (8:14,79) qol jetkizse, qola medaldy ıtalııalyq Francheska Lollobrıdjıda óz enshisine jazdy.
Erteń, ıaǵnı 20 aqpan – Beıjiń Olımpıadasynyń sońǵy kúni. Qazaqstan sportshylarynyń qorjyny áli bos.