Beıjiń-2022: Búgin eki memleket altyn medal sany boıynsha teń tústi

BEIJІŃ. QazAqparat - Qytaı astanasy Beıjiń qalasynda ótip jatqan Aq Olımpıada oıyndarynda jalpy medal kestesinde kóshbasshylardyń orny aýysty, dep habarlaıdy QazAqparat tilshisi.

Búgin Beıjińdegi Aq Olımpııa oıyndary segizinshi kúnin artqa tastady. Kún ótken saıyn qysqy oıyndardyń qyzyǵy arta tústi.

Búgin jalpy medal kestesinde úsh kún qatarynan kósh basynda kele jatqan Germanııa men Norvegııanyń altyn medaldary teńesti.

Dese de nemis atletteri kúmis medal jaǵynan alda kele jatyr.

Al úzdik úshinshi orynǵa búgin keshe ǵana 6-shy orynda turǵan AQSh quramasy kóterildi.

Medal kórsetkishimen úzdik ondyqta turǵan elder:

1. Germanııa - 8 altyn, 5 kúmis, 1 qola

2. Norvegııa - 8 altyn, 3 kúmis, 6 qola

3. AQSh - 5 altyn, 5 kúmis, 1 qola

4. Nıderland - 5 altyn, 4 kúmis, 2 qola

5. Shvetsııa - 5 altyn, 2 kúmis, 3 qola

6. Avstrııa - 4 altyn, 6 kúmis, 4 qola

7. Qytaı - 4 altyn, 3 kúmis, 1 qola

8. Reseı - 3 altyn, 4 kúmis, 6 qola

9. Italııa - 2 altyn, 5 kúmis, 4 qola

10. Japonııa - 2 altyn, 3 kúmis, 5 qola

Aıta keteıik, dál búginge deıin Olımpıada medaline qol jetkizgen elder qatary 26-ǵa jetti.

Onyń ishinde 19 memlekettiń qorjynynda altyn medal bolsa, 22 memlekette kúmis júlde bar.

Sondaı-aq, tórt el qola medalge qol jetkizgen. Ókinishke qaraı Qazaqstan qorjyny ázirge bos.

Endigi úmit erteńgi jarys jolyna shyǵatyn sportshylarymyzdyń enshisinde ekenin aıta keteıik.

Erteń, ıaǵnı 13 aqpanda qazaqstandyqtar sporttyń 5 túrinen baq synaıdy.