Beıjiń-2022: Bir ózi 4 altyn medal enshilegen bıatlonshy kim

NUR-SULTAN. QazAqparat - Beıjiń qalasynda ótip jatqan Qysqy Olımpıada oıyndarynda norvegııalyq bıatlonshy bir ózi tórt altyn medal jeńip aldy, dep habarlaıdy QazAqparat tilshisi.

Búgin norvegııalyq bıatlonshy Iohannes Be Qytaı astanasy Beıjińdegi Olımpıadada mass-start jarysynda top jardy. Ol 15 shaqyrymdy 38 mınýt, 14,14 sekýndta júgirip ótti.

Bul onyń Beıjiń Olımpıada oıyndaryndaǵy tórtinshi altyn medali. Ol osyǵan deıin aralas estafeta, sprınt jáne jekeleı jarysta bas júldeni jeńip alǵan bolatyn. Sondaı-aq, osydan týra 4 jyl buryn Phenchhan Olımpıadasynda da bıatlonnan 20 shaqyrymdyq jekeleı synda top jaryp, taǵy da chempıon atanǵan edi. Osylaısha ol Qysqy Olımpıada oıyndarynyń 5 dúrkin chempıony degen ataqqa qol jetkizdi. Bes altynnan bólek qorjynynda Olımpıada oıyndarynyń 2 kúmis, 1 qola medali bar.

Taǵy bir aıta keterligi, Iohannes Beniń Tareı esimdi týǵan aǵasy da Olımpıada oıyndarynda synǵa túsip jatyr. Onyń enshisinde 3 altyn, 2 kúmis, 1 qola medal bar. Osylaısha bir otbasynyń músheleri Olımpıada oıyndarynyń 14 medalin enshilegen.