Beısenbige arnalǵan aýa raıy boljamy

ASTANA. QazAqparat - Qazgıdromet 22 qyrkúıekke arnalǵan aýa raıy boljamyn jarııalady, dep habarlaıdy QazAqparat.

QR aýmaǵynyń basym bóligi áli de, aýqymdy antıtsıklonnyń yqpalynda bolǵandyqtan, jaýyn-shashynsyz aýa raıy saqtalady.

Atmosferalyq fronttaldy bólikterdiń ótýine baılanysty elimizdiń batysynda, ońtústik-shyǵysynda naızaǵaıly jańbyr jaýady, ekpindi jel kútiledi. Túnde jáne tańerteń elimizdiń soltústiginde tuman kútiledi.

Qyzylorda, Túrkistan, Jambyl oblystarynyń basym bóliginde, Aqtóbe oblysynyń ońtústiginde, shyǵysynda, Abaı oblysynyń soltústik-batysynda, soltústiginde, shyǵysynda, Pavlodar oblysynyń ortalyǵynda tótenshe órt qaýpi saqtalady. Qostanaı oblysynyń basym bóliginde, Qaraǵandy oblysynyń shyǵys bóliginde, Ulytaý oblysynyń ońtústiginde, shyǵysynda joǵary órt qaýpi saqtalady.

Túnde Shyǵys Qazaqstan oblysynyń soltústik-shyǵysynda topyraq betinde 1 gradýs úsik saqtalady.