Beırýttaǵy jarylystan Qazaqstan konsýly jaraqat aldy

BEIRÝT. QazAqparat – Beırýttaǵy jarylys kezinde Lıvandaǵy QR dıplomatııalyq mıssııasynyń konsýly jeńil jaraqat aldy, dep habarlaıdy QazAqparat SІM silteme jasap.

«Jarylys kezinde dıplomatııalyq mıssııanyń qyzmetkerleri jumys kúni aıaqtalǵannan keıin jumys ornynan ketip qalǵan. Konsýl jumysta qalǵan bolatyn jáne jarylys tolqyny saldarynan jeńil jaraqat aldy», - delingen habarlamada.

Buǵan deıin habarlanǵandaı, Lıvandaǵy jarylys saldarynan Qazaqstannyń dıplomatııalyq mıssııasy ǵımaratyna zııan keldi.

Lıvandaǵy qazaqstandyq dıplomattardyń aqparaty boıynsha, aǵymdaǵy jylǵy 4 tamyzda jergilikti ýaqyt boıynsha saǵat 18:00 shamasynda Beırýttaǵy teńiz portynyń bazasynda birneshe qatty jarylys boldy. Jaqyn mańda ornalasqan úılerde, sondaı-aq jarylys epıtsentrinen birneshe shaqyrym jerde ornalasqan ǵımarattarda terezeleri shaǵyldy.

Aldyn ala málimetke qaraǵanda, Beırýttaǵy jarylystan 10 adam mert bolyp, jaraqat alǵandar sany 100-den asty.