Beırezıdentter Qazaqstannyń memlekettik baǵaly qaǵazdaryna 596 mlrd teńge ınvestıtsııa saldy

NUR-SULTAN. QazAqparat – Beırezıdentterdiń Qazaqstannyń memlekettik baǵaly qaǵazdaryna jáne Ulttyq banktiń notalaryna salǵan ınvestıtsııasynyń kólemi 596 mlrd teńgeni qurady. Bul týraly Úkimettiń keńeıtilgen otyrysynda Ulttyq bank tóraǵasy Ǵalymjan Pirmatov aıtty, dep habarlaıdy QazAqparat tilshisi.

«Ulttyq bank pen Qarjy mınıstrliginiń birlesken jumysy nátıjesinde memlekettik baǵaly qaǵazdar aýktsıondaryndaǵy naryqtyq ınvestorlardyń úlesi 2020 jylǵy 32,7 paıyzǵa qaraǵanda 2021 jyly 69,2 paıyzǵa deıin ósti. Talap etiletin óteý merzimi 1 jyldan 5 jylǵa deıingi memlekettik baǵaly qaǵazdardy ornalastyrý úlesi 53 paıyz boldy», -dedi UB tóraǵasy.

Onyń atap ótýinshe, 2021 jyly beırezıdentterdiń Qazaqstannyń memlekettik baǵaly qaǵazdaryna jáne Ulttyq banktiń notalaryna salǵan ınvestıtsııasynyń kólemi 596 mlrd teńge boldy.

«2022 jyly kiristiliktiń tartymdy deńgeıleri jáne memlekettik baǵaly qaǵazdaryn halyqaralyq ındeksterge engizý aıasynda sheteldik ınvestorlar tarapynan suranys memlekettik baǵaly qaǵazdary naryǵyndaǵy ótimdilikti odan ári arttyrýǵa yqpal etetin bolady», - dedi Ǵalymjan Pirmatov.