Beıneý aýdandyq muraǵaty jeke turǵyn úıdiń 2-qabatynda ornalasqan: másele senatorǵa jetkizildi

AQTAÝ. QazAqparat – Parlament Senatynyń depýtaty Súıindik Aldashev Mańǵystaý oblysyndaǵy birqatar nysandarda boldy, dep habarlaıdy QazAqparat Palatanyń baspasóz qyzmetine silteme jasap.

Senator «Aýyl – el besigi» jobasy aıasynda Boranqul aýylynda salynyp jatqan sport zaly qurylysynyń barysymen, sondaı-aq orta mektep pen balabaqshanyń jaǵdaıymen tanysty.

Depýtat Sarǵa aýylyndaǵy sý tazartý qondyrǵysynyń qurylysy alańynda da boldy. Qurylys jumysy aıaqtalǵannan keıin jergilikti turǵyndardy jumyspen jáne sapaly aýyz sýmen qamtamasyz etýge bolatynyn atap ótti.

Sondaı-aq, Beıneý aýdandyq muraǵatynyń qyzmetkerlerimen de kezdesti. Sala mamandary mekemeniń jeke turǵyn úıdiń 2-qabatynda ornalasqany jáne ol jerdiń qujattardy saqtaý talaptaryna sáıkes kelmeıtinin ári ǵımarattyń aýdany óte tar ekenin atap ótti.