Beınekamera arqyly kólik qozǵalysy tártibin baqylaý múmkindigin keńeıtý kerek - Igor Lepeha

ASTANA. QazAqparat – Beınekamera arqyly joldaǵy kólik qozǵalysy tártibin baqylaý múmkindigin keńeıtý kerek. Bul týraly elordada joldaǵy qaýipsizdik salasynda jańa tehnologııalardy paıdalaný taqyrybyndaǵy forýmda QR Іshki ister mınıstriniń orynbasary Igor Lepeha aıtty, dep habarlaıdy QazAqparat tilshisi.

«Jol erejesin buzý derekterin tsıfrlyq tehnologııalar arqyly anyqtaý deńgeıin áli de kóterý kerek. Qazir joldaǵy qıylystardy, Bus Lane jolaǵyn baqylaý, jyldamdyq rejımi talaptaryn oryndamaǵan júrgizýshilerdi anyqtaý kameralar arqyly iske asyrylyp jatyr. Degenmen, biz osy kameralardyń múmkindigin keńinen paıdalanýdy talap etip otyrmyz», - dedi Igor Lepeha jańa tehnologııalar salasynda tyń jobalardy iske asyryp jatqan mamandarǵa qarata aıtqan sózinde.

Osy oraıda ol «Sergek» beınekamerasy arqyly bolashaqta qandaı ereje buzý derekterin anyqtaýǵa bolatynyn aıtty.

«Eń aldymen, kameralar jaıaý júrginshiler jolaǵynan avtokólikter ótken kezde bolatyn ereje buzý derekterin anyqtaý kerek dep sanaımyz. ıAǵnı júrgizýshiler jaıaý ketip bara jatqan adamdarǵa jol bermeı jatady. Elimizde jaıaý júrginshilerdi qaǵyp ketýge qatysty jol-kólik oqıǵalarynyń sany óte kóp. Eger bizdiń kameralar júrgizýshilerdiń osy zańsyz áreketterin, sondaı-aq jolda uıaly telefon men qaýipsizdik beldigin paıdalaný erejelerin buzǵanyn tirkese, bul sheshimder jumysymyzdy jeńildeter edi», - dedi Igor Lepeha.

Budan buryn habarlanǵandaı, keıingi 12-15 jylda avtokólik sany 3 mln-nan 5 mln-ǵa deıin artty.

Sonymen qatar, I. Lepeha elektr samokattyń jyldamdyǵy saıabaq aýmaǵynda avtomatty túrde báseńdeýi kerek ekenin aıtty.