Beıimbet, Sáken, Іlııas, Mirjaqyptardyń shyǵarmasyn shet tiline aýdarý kerek - Oljas Súleımenov
Qazaqstannyń halyq jazýshysy Oljas Súleımenovtiń pikirinshe,aǵylshyn tili tek álemdik baılanys, qarym-qatynas tili ǵana emes, jalpy álemdik mádenıet tiline de aınalyp otyr. ıAǵnı jazýshyny álemge tanytý aǵylshyn tilinen bastalady degen sóz.
«Qazaqstan óziniń aqyn-jazýshylarmen maqtana alady. Bizde ádebıet salasy jaqsy damyǵan. Jazýshylardyń shyǵarmalaryna oqyrmandar óz baǵasyn berip jatyr. Biz munymen toqtap qalmaýymyz kerek. Qazaq ádebıetin álemge tanytyp, moıyndatý kezek kútirmeıtin másele», - dedi halyqaralyq jazýshylar forýmynda Oljas Súleımenov.
Oljas Súleımenovtiń aıtýynsha, shyǵarmany aýdarý ońaı sharýa emes. Oǵan naǵyz mamandy, myqty aýdarmashyny tartý qajet.
«Qazir aýdarmanyń ózi bızneske aınalyp ketti. Memleket qyrýar qarjy bóledi. Tıisti mekeme tender jarııalaıdy. Utyp alǵan kompanııa aýdarady. Ony kim aýdaryp jatyr, qalaı aýdaryp jatyr, maǵynasy qandaı, oǵan eshkim bas aýyrtpaıdy. Olaı bolmaıdy. Aýdarmashy óz isiniń mamany bolýy kerek. Ol adam aqyn-jazýshynyń jyldar boıy tókken eńbegin baǵalaýy tıis. Aýdarylǵan shyǵarma túpnusqadan aýytqymaýy kerek. Maǵynasyn joǵaltpaýy tıis. Shet tiline aýdaratyn mamandar arnaıy satylardan, ıaǵnı baıqaýlardan ótý kerek dep oılaımyn»,- dedi Oljas Súleımenov.
Memleket jáne qoǵam qaıratkeri, eń aldymen qandaı aqyn – jazýshylardyń shyǵarmalary aýdarylýy kerektigin atap ótti.
«Meniń oıymsha eń aldymen kimniń eńbegi aýdarylady sony anyqtap alý qajet. Úsh serııaǵa bólip tastaýǵa bolady. Birinshiden halyq jaýy dep atylyp ketken azamattarymyzdyń shyǵarmasyn shet tiline aýdartý bizdiń paryzymyz. Beıimbet Maılın, Іlııas Jansúgirov, Sáken Seıfýllın, Mirjaqyp Dýlatovtardy aıtyp otyrmyn. Ekinshi kezekte keńes kezindegi jazýshylardyń eńbekteri, sodan keıin táýelsizdik alǵan kezdegi aqyn-jazýshylarymyzdyń shyǵarmasyn usynýymyz kerek », - dep qortyndylady Oljas Súleımenov.
Eske sala ketsek, Almatyda halyqaralyq jazýshylar forýmy ótip jatyr. oǵan 18 memleketten 81 delegat qatysýda