Beıbit Juqaev juptyq synda Meksıkadaǵy týrnırdiń shırek fınalyna ótti

<p>ASTANA. KAZINFORM &mdash; Qazaqstandyq Beıbit Juqaev juptyq synda Moroles (Meksıka) chellendjer týrnıriniń shırek fınalyna shyqty.</p>

Qazaqstandyq tennısshi shveıtsarııalyq Antýan Belemen birge bastapqy kezdesýin sátti ótkizdi.

Qazaqstandyq-shveıtsarııalyq dýet alǵashqy aınalymda amerıkalyqtar Raıan Seggerman – Patrık Trhatspen sheberlik baıqasty.

Birinshi partııada taı-breıkte Juqaev – Bele sátti oınady – 7:6 (7:2). Ekinshisinde amerıkalyq jup ese qaıyrdy – 7:6 (7:4).

Sýper taı-breıkte Juqaev – Bele jeńisti julyp aldy – 12:10. Saǵat jarymnan astam ýaqytqa sozylǵan kezdesýde ekeýi 10 eıspen kózge tústi. Amerıkalyqtar 8 eıspen jaýap qaıyrdy. Bul matchta breık tirkelgen joq.

Beıbit Juqaev – Antýan Beleniń shırek fınaldaǵy qarsylastary keıin anyqtalady.

Qazaqstandyq tennısshi jekeleı synda amerıkalyq Krıstıan Langmony jeńse, shırek fınalǵa joldama alady.

Taǵy bir qazaqstandyq, álemniń 236-raketkasy Dmıtrıı Popko Sarasote (AQSh) chellendjer jarysynda alǵashqy kezdesýinde týrnırdiń birinshi raketkasyn utqanymen, sol jeńisti jolyn jalǵastyra almady. Ol ekinshi aınalymda dúnıejúzilik reıtıngide 284-orynda turǵan taǵy bir amerıkalyq Tennıs Sandgrennen jeńilis tapty – 2:6, 6:1, 2:6.

Eske sala keteıik, budan buryn Dmıtrıı Popkonyń AQSh-taǵy týrnırde jarystyń birinshi raketkasyn utqanyn jazǵan bolatynbyz.

Sondaı-aq Beıbit Juqaev Meksıkadaǵy jarysty jeńispen bastady.