Beıbit Juqaev Ulybrıtanııada negizgi jarysqa joldama aldy
Qazaqstandyq tennısshi aldymen eki saǵatqa jýyq ýaqytqa sozylǵan tartysty matchta álemniń 177-raketkasy, portýgalııalyq Jaıme Farııany qapy qaldyrdy - 6:3, 6:7 (5:7), 6:1). Bul básekede Beıbit 17 eıspen kózge tústi.
Beıbit Juqaev irikteý saıystarynyń fınalynda álemniń 190-raketkasy, belgııalyq Iorıs De Loreni aıqyn basymdylyqpen utty – 6:3, 6:1. Bir saǵattan astam ýaqytqa sozylǵan oıyn barysynda qazaqstandyq sportshy 6 eıspen birge 5 breık-poınttan shashaý shyǵarǵan joq.
Osylaısha, B.Juqaev júlde qory 148 625 eýroǵa baǵalanǵan negizgi jarysqa joldama aldy.
Atalmysh doda jeńimpazy 20,3 myń eýroǵa qosa 125 reıtıngilik upaıǵa qol jetkizdi. Munda álemniń 82-raketkasy, frantsııalyq ıÝgo Gaston 1-raketka bolyp tirkelgen. Sondaı-aq Qazaqstannan álemniń 135-raketkasy Mıhaıl Kýkýshkın de baq synaıdy. Ol alǵashqy aınalymda 243-orynda turǵan ulybrıtanııalyq Charlz Brýmnan ótýge tyrysyp kóredi.
B.Juqaevtyń qarsylasy keıin anyqtalady.
Qazaqstannyń juptyq syndaǵy birinshi, álemniń 43-raketkasy Aleksandr Nedovesov Galle (Germanııa) ATP 500 týrnırine óte almady. Ol ıspanııalyq Pedro Martınespen birge irikteý saıysynyń fınalynda úndistandyq ıÝkı Bhambrı – frantsııalyq Albano Olıvettıge jol berdi – 5:7, 3:6.
Osylaısha, A.Nedovesov – P.Martınes júlde qory 2,4 mln eýrodan asatyn iri jarystan shet qaldy.
Bul týrnırde ótken jyly jekeleı synda Qazaqstannyń birinshi raketkasy Aleksandr Býblık jeńimpaz atanǵan edi. Bıyl osy ataǵyn qorǵaıtyn A.Býblık bastapqy kezdesýin reıtıngide 100-satydaǵy aýstralııalyq Maks Perselmen ótkizedi. Aýstralııalyq tennısshi irikteý saıystarynda taǵy bir qazaqstandyq Aleksandr Shevchenkony utqan bolatyn. Sonda ketken eseni ekinshi Aleksandr qaıtara ma, ony 18 maýsymǵa belgilengen match kórsetedi.
Eske sala keteıik, budan buryn Aleksandr Nedovesovtiń Germanııadaǵy týrnırdi sátti bastaǵanyn jazǵan bolatynbyz.