Beıbit Juqaev Shanhaı týrnıriniń shırek fınalyna shyqty

<p>ASTANA. KAZINFORM &mdash; Qazaqstandyq tennısshi, álemniń 218-raketkasy Beıbit Juqaev Shanhaı (Qytaı) chellendjer týrnıriniń shırek fınalyna ótti.</p>

Qazaqstandyq tennısshi ekinshi aınalymda álemniń 160-ynshy, osy jarystyń 7-raketkasy, chılılik Tomas Barrıostyń meselin qaıyrdy.

Birinshi partııada taı-breıkte Beıbit shıraqtyq tanytty – 7:6 (7:2).

Ekinshisinde Barrıos qarymta qaıyrdy – 7:6 (7:2).

Úshinshi, sheshýshi sette esep 6:5 bolǵan mezette Juqaev breık jasaı bildi – 7:5.

Úsh saǵat 10 mınýtqa sozylǵan asa tartysty báseke barysynda Beıbit 16 eıspen birge 6 breık-poınttyń teń jartysyn qur jibergen joq. Barrıos 8 eıs, 1 breıkten (6 breık-poınt) asa almady.

Beıbit Juqaevtyń shırek fınaldaǵy qarsylasy keıin anyqtalady.

Qazaqstandyq tennısshi qazirgi sátte ATP Live reıtıngisinde 196-orynǵa kóterilip, TOP-200-ge qaıta kirip tur.

Eske sala keteıik, budan buryn Beıbit Juqaevtyń Shanhaıda kambek jasap, ekinshi aınalymǵa ótkenin jazǵan bolatynbyz.

Sondaı-aq Sonıa Jıenbaeva AQSh ashyq chempıonatynda jasóspirimder arasynda úshinshi aınalymǵa shyqty.

AQSh chempıonatynda Anna Danılına jartylaı fınaldan tys qaldy.