ASTANA. KAZINFORM — Qazaqstandyq tennısshi, álemniń 340-raketkasy Beıbit Juqaev Mehıko (Meksıka) chellendjer týrnıriniń ekinshi aınalymyna shyqty.
Qazaqstandyq tennısshi bastapqy kezdesýin dúnıejúzilik reıtıngide 1 309-orynda turǵan, jarysqa irikteý saıystarynan keıin qosylǵan meksıkalyq Alehandro Haıenmen ótkizdi.
Beıbit 6:1, 6:4 esebimen jeńiske jetti.
Bir saǵat 8 mınýtqa sozylǵan matchta Juqaev 9 eıspen birge 7 breık-poınttyń tórteýin paıdalandy. Haıen 1 eıs, 1 breıkten (4 breık-poınt) asa almady.
Beıbit Juqaev shırek fınalǵa shyǵý úshin reıtıngide 496-satydaǵy frantsııalyq Korenten Denollımen talasady.
Eske sala keteıik, budan buryn 16 jastaǵy qazaqstandyq tennısshiniń Aljırdegi jarysta chempıon atanǵanyn jazǵan bolatynbyz.
Sondaı-aq Monte-Karlo masters týrnırinde Býblık alǵashqy qarsylasyn utty.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).