Beıbit Juqaev Mehıkodaǵy jarysty 19 eıspen bastady

<p>ASTANA. KAZINFORM &mdash; Qazaqstandyq, álemniń 201-raketkasy Beıbit Juqaev Mehıko (Meksıka) chellendjer týrnırin sátti bastady.</p>

Jarystyń 5-raketkasy bolyp tirkelgen 23 jastaǵy qazaqstandyq tennısshi bastapqy kezdesýin dúnıejúzilik reıtıngide 359-orynda turǵan Zımbabve ókili Bendjamın Lokpen ótkizdi.

Birinshi partııada B.Lok 6:4 esebimen basym túskenimen, B.Juqaev oıyn tizginin qolǵa alyp, kambek jasaı bildi – 6:3, 6:4.

Eki saǵat 25 mınýtqa sozylǵan tartysty báseke barysynda Beıbit 19 eıs jasap, 6 breık-poınttyń ekeýin paıdalandy. Qarsylasy 1 eıs, 1 breıkten (3 breık-poınt) asa almady.

Beıbit Juqaev shırek fınalǵa shyǵý úshin reıtıngide 685-satydaǵy meksıkalyq, 18 jastaǵy Rodrıgo Pacheko Mendespen talasady.

Eske sala keteıik, budan buryn Tımofeı Skatovtyń Italııadaǵy chellendjer týrnıriniń ekinshi aınalymyna shyqqanyn jazǵan bolatynbyz.