Beıbit Juqaev Qytaıdaǵy jarystyń ekinshi aınalymyna joldama aldy

<p>ASTANA. KAZINFORM &ndash; Qazaqstandyq, álemniń 182-raketkasy Beıbit Juqaev Gýanchjoý (Qytaı) chellendjer týrnıriniń ekinshi aınalymyna joldama aldy.</p>

Qazaqstandyq tennısshi bastapqy kezdesýin dúnıejúzilik reıtıngide 332-orynda turǵan Belarýs ókili Egor Gerasımovpen ótkizdi.

Beıbit Juqaev 6:1, 6:4 esebimen aıqyn basymdylyqpen utty.

Bir saǵat 18 mınýtqa sozylǵan báseke barysynda Beıbit 12 eıspen birge 5 breık-poınttyń úsheýin qur jibergen joq.

Beıbit Juqaev shırek fınalǵa shyǵý úshin kort ıesi, reıtıngide 485-satydaǵy Rıgel Temen talasady.

Beıbit reseılik Alıbek Kachmazovpen birge juptyq synda da óner kórsetedi.

Taǵy bir qazaqstandyq, álemniń 184-raketkasy Denıs Evseev alǵashqy aınalymda reıtıngide 241-oryndaǵy aýstralııalyq Trıstan Skýlkeıtten jeńilis tapty – 2:6, 0:3. Ekinshi sette D.Evseev matchty jalǵastyrýdan bas tartty.

Eske sala keteıik, budan buryn Elena Rybakınanyń Madrıdte 18 jastaǵy tennısshini jeńip, shırek fınalǵa shyqqanyn jazǵan bolatynbyz.

Madrıd týrnıriniń shırek fınalynda Pýtıntseva men Rybakına oınaıdy.