Beıbit Juqaev Qytaıdaǵy týrnırde jarystyń 1-raketkasyn joldan taıdyrdy

<p>Qazaqstandyqtar Beıbit Juqaev pen Denıs Evseev Qytaıdaǵy Shenchjen chellendjer týrnıriniń shırek fınalyna shyqty, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Reıtıngte 302-orynda turǵan Beıbit Juqaev ekinshi aınalymda álemniń 69-ynshy, jarystyń 1-raketkasy, aýstralııalyq Tanası Kokkınakısti 6:3, 6:4 esebimen jeńdi.

Bir saǵat 13 mınýtqa sozylǵan matchta Beıbit 9 eıs jasap, 7 breık-poınttyń ekeýin sátti paıdalandy.

Taǵy bir qazaqstandyq, álemniń 260-raketkasy Denıs Evseev reıtıngte 585-satydaǵy qytaılyq Tsýı Tszeni joldan taıdyrdy - 6:4, 6:0. Bir saǵatqa sozylǵan báseke barysynda Denıs 3 eıs, 5 breıkpen (7 breık-poınt) kózge tústi.

Jartylaı fınalǵa shyǵý úshin B.Juqaev reıtıngte 503-oryndaǵy belorýssııalyq Egor Gerasımovpen, D.Evseev álemniń 146-raketkasy, amerıkalyq Aleksandr Kovachevıchpen talasady.

Eske sala keteıik, budan buryn Denıs Evseevtiń Qytaıdaǵy týrnırde álemniń burynǵy 9-raketkasyn utqanyn jazǵan bolatynbyz.
Sondaı-aq tennısten álem chempıonatyna qatysatyn Qazaqstan jasóspirimder quramasy anyqtaldy.