Kásibı tennısshiler qaýymdastyǵy (ATP) jekeleı jáne juptyq synda jańartylǵan álemdik reıtıngti jarııa etti, dep habarlaıdy Kazinform.
Qazaqstannyń birinshi raketkasy Aleksandr Býblık 33-ten 32-ge kóterildi.
AQSh-ta Sharlotsvıll chellendjer týrnırinde úzdik shyqqan 23 jastaǵy Beıbit Juqaev 247-den birden 52 satyǵa joǵarylap, álemniń 195-inshi, Qazaqstannyń ekinshi raketkasy atandy.
Mıhaıl Kýkýshkın 213-te qalsa, Tımofeı Skatov 211-den 216-ǵa, Denıs Evseev 238-den 239-ǵa syrǵydy.
Parıjdegi masters jarysynyń chempıony bolǵan Novak Djokovıch burynǵysha kósh bastasa, ıspanııalyq Karlos Alkaras ekinshi, reseılik Danııl Medvedev úshinshi orynda tur.
Juptyq synda Aleksandr Nedovesov 47-den 48-ge tómendese, Andreı Golýbev 63-ornynda qaldy.
Álem boıynsha amerıkalyq Ostın Kraıchık, horvatııalyq Ivan Dodıg, nıderlandtyq Ýeslı Kolhof qamshy saldyrmaı keledi.
Eske sala keteıik, budan buryn tennısten Beıbit Juqaevtyń AQSh-taǵy chellendjer jarysynyń chempıony atanǵanyn jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).