Beıbit Juqaev Aýstralııa ashyq chempıonatyn jeńispen bastady

<p>Qazaqstandyq, álemniń 188-raketkasy Beıbit Juqaev Aýstralııa ashyq chempıonatynyń irikteý saıysyn jeńispen bastady, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Beıbit irikteý saıystarynyń shırek fınalynda dúnıejúzilik reıtıngide 511-orynda turǵan aýstralııalyq Nıkolas Kıkermen kezdesti.

Birinshi partııada qazaqstandyq tennısshi bet qaratqan joq – 6:1.

Ekinshi sette esep 2:2 bolǵan mezette breık jasap, óz geımin aldy – 4:2. Aqyry sol baǵytynan aınyǵan joq – 6:4.

Bir saǵat 18 mınýtqa sozylǵan básekede B.Juqaev 10 eıs jasap, 4 breık-poınttyń úsheýin qur jibergen joq.

Beıbit Juqaev irikteý týrnıriniń jartylaı fınalynda álemniń 99-raketkasy, frantsııalyq Hıýgo Gastonmen sheberlik baıqasady.

Eske sala keteıik, budan buryn Aleksandr Býblıktiń jańa jyldaǵy birinshi jeńisine qol jetkizgenin jazǵan bolatynbyz.

Sondaı-aq qazaqstandyq tennısshi Argentınadaǵy jarystyń ekinshi aınalymyna shyqty.