Qazaqstandyq, álemniń 247-raketkasy Beıbit Juqaev Sharlotsvıll (AQSh) chellendjer týrnırin jeńispen bastady, dep habarlaıdy Kazinform.
Qazaqstandyq tennısshi alǵashqy kezdesýin dúnıejúzilik reıtıngte 354-orynda turǵan amerıkalyq Taı-Son Kvıatkovskımen ótkizdi.
Asa tartysty ótken matchta B.Juqaev 4:6, 7:6 (7:3), 7:6 (7:3) esebimen jeńiske jetti.
Eki saǵat 38 mınýtqa sozylǵan match barysynda ol 22 eıs jasap, 4 breık-poınttyń bireýin paıdalandy.
T.Kvıatkovskı 15 eıs, 2 breıkpen (11 breık-poınt) kózge tústi.
Beıbit Juqaev shırek fınalǵa shyǵý úshin álemniń 174-inshi, jarystyń 6-raketkasy, aýstralııalyq Adam Ýolton nemese reıtıngte 517-satydaǵy ıspanııalyq Inıakı Montes de la Torreniń qaı jeńgenimen talasady.
Eske sala keteıik, budan buryn Parıj masters týrnırinde Aleksandr Býblıktiń álemniń 14-raketkasyn jeńgenin jazǵan edik.
Sondaı-aq Mıhaıl Kýkýshkın Italııada Bergamo negizgi týrnırine ótti.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).