Beıbit Juqaev AQSh-ta kezekti jeńisine qol jetkizdi

<p>Qazaqstannyń ekinshi, álemniń 195-raketkasy Beıbit Juqaev Noksvıll (AQSh) chellendjer týrnıriniń ekinshi aınalymyna shyqty, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Qazaqstandyq tennısshi bastapqy kezdesýin álemniń 165-inshi, osy jarystyń 6-raketkasy, frantsııalyq Tıtýan Drogemen sátti ótkizdi.

Bir saǵat 10 mınýtqa sozylǵan matchta Beıbit 6:4, 6:1 esebimen basym tústi. Ol báseke barysynda 2 eıs jasap, 13 breık-poınttyń beseýin paıdalandy. Qarsylasy 3 eıs, 1 breıkpen (4 breık-poınt) shekteldi.

Beıbit Juqaev shırek fınalǵa shyǵý úshin dúnıejúzilik reıtıngte 497-orynda turǵan amerıkalyq Nıshesh Basavareddımen talasady.

Osylaısha, B.Juqaev ótken aptada ózi jeńimpaz atanǵan Sharlotsvıll chellender jarysyndaǵy oıyndaryn qosqanda, qatarynan altynshy ret jeńiske jetti.

Eske sala keteıik, budan buryn Arýjan Saǵyndyqovanyń tennısten el namysyn qorǵaý úlken qurmet ekendigi týraly aıtqanyn jazǵan bolatynbyz.