Beıbit Atamqulov Qazaqstan bıznesin ózbekterden úlgi alýǵa shaqyrdy
«Qazaqstan bıznesine Ózbekstannyń toqyma-tigin salasyn damytýdaǵy tájirıbesine nazar aýdarǵan jón. Men ózim óńirlerge baryp, maqta-toqyma klasteriniń múmkindikterin kórdim. Bul sektorda 1500-ge jýyq kásiporyn jumys isteıdi. Qazaqstanǵa osy tájirıbe aýadaı qajet. Óıtkeni maqta-toqyma salasyndaǵy qaıta óńdeý deńgeıi tym tereńdep ketken. Maqta alqabynan eksportqa deıingi quramdas salanyń bári jolǵa qoıylǵan. Onyń bárine memleket tıisti deńgeıde jeńildikter men qoldaý usynyp otyr. Osynyń arqasynda ósim de jaqsy. Bul saladaǵy ósim 3 mlrd dollarǵa deıin jetip otyr», - dedi ol Qazaqstan-Ózbek iskerlik keńesiniń otyrysynda.
Elshi ózbekstandyq bıznesti de Qazaqstan naryǵyna alańsyz kirýge shaqyrdy.
«Ózbekstanda basqa da salalar damyp keledi. Onyń bári Qazaqstan bıznesine jańa múmkindikter ashady. Ekijaqty áriptestik týraly aıtqan kezde eki baǵytta da jol ashyq bolǵany mańyzdy. Sondyqtan biz ózbekstandyq bıznesti de Qazaqstan naryǵyna belsendirek kirýge shaqyramyz. Bul naryqta árbir kásiporyn laıyqty seriktesin taýyp, ıdeıasyn iske asyra alady», - dedi Beıbit Atamqulov.