Beıbit Atamqulov qazaq-ózbek bıznes qaýymdastyǵyn qurýdy usyndy

<p>ASTANA. KAZINFORM &ndash; Qazaqstannyń Ózbekstandaǵy Tótenshe jáne ókiletti elshisi Beıbit Atamqulov Qazaqstan-Ózbek iskerlik keńesiniń jıynynda qazaq-ózbek bıznes qaýymdastyǵyn qurýdy usyndy.</p>

«Eki aradaǵy birlesken kásiporyndar sanynyń ósý qarqynyn, ózara áriptestiktiń áleýetin eskerip, Qazaqstan-Ózbek bıznes qaýymdastyǵyn quratyn ýaqyt keldi dep esepteımin. Bul qaýymdastyq bıznes pen memlekettiń tıimdi yqpaldastyǵynyń platformasyna aınala alady. ıAǵnı, eki aradaǵy áriptestik bıznesti qoldaýǵa aıqynyraq baǵyttalady degen sóz. Maǵan búginge deıin Ózbekstanda tirkelip, jumys istep júrgen 20-dan astam bıznes ókili osyndaı komıssııa quryp, memlekettik organdarmen kúndelikti týyndap jatatyn ózekti máseleler boıynsha osy qaýymdastyq arqyly jumys istesek degen ótinishpen júgindi», - dedi ol.

Dıplomattyń aıtýynsha, atalǵan qaýymdastyq eki aradaǵy eńbek mıgratsııasyn retteýge de septigin tıgize alady. 

«Bul qaýymdastyq ozyq praktıkalar men tájirıbe almasýdyń kópiri bolyp, jańa jobalardyń damýyna, ekonomıkalyq baılanystarymyzdy nyǵaıtýǵa jol asha alady. Osy bıznes qaýymdastyq arqyly eki eldegi jańa jobalar týraly málimet alyp otyrýǵa jáne mamandar izdep tabýǵa bolady. Qazir Ózbekstan joǵary bilikti qazaqstandyq mamandardy izdeýshiler kóp», - dedi elshi.