Beıbitshilikke qater týdyryp otyrǵan kelispeýshiliktiń túp tamyrynda jatqan problemalardy talqylaý qajet- Mádenıet jáne ıslamdyq baılanys uıymy

ASTANA. Jeltoqsannyń 3-i. QazAqparat /Rýslan Ǵabbasov/ - Aldaǵy Álemdik jáne dástúrli dinder sezin ótkizý kezindegi taqyryptyń bir bóliginde áleýmettik ádildik jáne  adamnyń adamgershiligine  qurmetpen qaraý máselesiniń qaralaýyn usynǵym keledi.

 Búgin elordada Álemdik jáne dástúrli dinder lıderleri sezi hatshylyǵynyń ІH otyrysy barysynda Mádenıet jáne ıslamdyq baılanys jónindegi uıymnyń dinder dıalogy ortalyǵynyń jetekshisi  Mozafarı Mohammad Hýseın osylaı málim etti, dep habarlaıdy QazAqparat.

«Sezde biz ózekti problemalardy talqylap, olardy sheshýdiń jolyn taýyp, usynystardy aıtyp, keıinnen ony belgili bir qujat aıasynda aıqyndap alýǵa bolar edi. Bul qujattar halyqaralyq uıymdar úshin  usynystardy qamtyr edi»,-dedi ol.

Dinı qaqtyǵystarǵa, óshpendilikke tıisti deńgeıde  kóńil bólinbeı otyrǵandyǵyn jetkizgen Mozafarı Mohammad Hýseın, «keshegi otyrysta aıtqanymdaı, dinı óshpendilik BUU-ǵa múshe memleketter men BUU janyndaǵy Adam quqyqtary jónindegi keńes quramyndaǵy elderdiń arasyndaǵy janjaldyń kózi bolyp tabylady. Sondyqtan menińshe, barlyq taqyryptar men barsha talqylaýlar BUU elderi arasyndaǵy kelispeýshilikterdi sheshýge baǵyttalýy tıis», dedi.

 Ol beıbitshikke qater týdyryp otyrǵan kelispeýshiliktiń túp tamyrynda jatqan problemalardy talqylaý usynysyn jasady.