Beıbitshilik úshin jańa jahandyq qozǵalys qajet - Memleket basshysy

NUR-SULTAN. QazAqparat – Adamzatqa qaýipsizdiktiń jańa júıesin qurý úshin yntymaqtastyq qajet. Bul týraly QR Prezıdenti Qasym-Jomart Toqaev Álemdik jáne dástúrli dinder lıderleriniń VII sezinde aıtty, dep habarlaıdy QazAqparat tilshisi.

«Saıasatkerler daýlasqanda din qaıratkerleri olardyń talpynysymen bir-birine jaqyndaı túsedi. Oǵan qarama-qarsy áreket etedi. Búgin din kóshbasshylarynyń dıalogy ótip jatyr. Ol adamzat balasyna qazirgi teketires ahýalynan shyǵý jolyn kórsete alady»- dedi Qazaqstan Prezıdenti.

Memleket basshysy din kóshbasshylarynyń mundaı aýqymdaǵy dıalogy beıbitshilikke qol jetkizý bastamalaryn qalyptastyrýǵa kómektese alatyndyǵyn basa aıtty.

«Bul álemniń búkil óńirindegi janjaldy sheshý úshin óte mindetti sanalady. Din kóshbasshylary adamzat ar-ojdanynyń qorǵaýshysy. Sondyqtan sizderden basqa kim bizge ózara senimge, qaıyrymdylyq pen beıbitshilikke bastar joldy kórsete alady. Búginde adamzatqa qaýipsizdiktiń jańa júıesin qurý úshin buryn-sońdy bolyp kórmegen yntymaqtastyq qajet. Bizge beıbitshilik úshin jańa jahandyq qozǵalysy qajet. Jáne de, bul máselede jahandyq kóshbasshylardyń róli óte mańyzdy ekenine senimdimin», - dedi Qasym-Jomart Toqaev.