Beıbit Juqaev Pýerto-Rıkodaǵy týrnırdiń jartylaı fınalyna shyqty

ASTANA. QazAqparat - Qazaqstandyq, álemniń 256-raketkasy Palmes del Mar (Pýerto-Rıko) chellendjer týrnıriniń jartylaı fınalyna shyqty, dep habarlaıdy QazAqparat tilshisi.

Qazaqstandyq tennısshi shırek fınalda dúnıejúzilik reıtıngte 617-orynda turǵan kanadalyq Lıam Drakslmen sheberlik baıqasty.

Birinshi partııada Beıbit qarsylasynyń breık jasaýyna múmkindik bergen joq. Esesine esep 5:4 bolǵan mezette breık jasaı bildi - 6:4.

Ekinshi sette qazaqstandyq sportshy 5:2 esebimen alǵa ketti. Aqyry matchty jeńispen túıindedi - 6:3.

Bir saǵat 45 mınýtqa sozylǵan kezdesýde Beıbit Juqaev 6 eıs jasap, 7 breık-poınttyń ekeýin paıdalana bildi. Lıam Draksl 4 eıspen ǵana shekteldi.

Beıbittiń jartylaı fınaldaǵy qarsylasy keıin anyqtalady.

Eske sala keteıik, Andreı Golýbevtiń Italııadaǵy jarystyń jartylaı fınalyna shyqqanyn jazǵan bolatynbyz.

Sondaı-aq Anna Danılına Nottıngem týrnıriniń jartylaı fınalyna joldama aldy.

Aleksandr Nedovesov Nıderlandtaǵy týrnırdiń fınalyna shyqty.

Foto - Qazaqstan tennıs federatsııasynan