Beıbit jıyn týraly zańǵa ózgertýler engiziledi - Dáýren Abaev

ALMATY. QazAqparat – QR Aqparat jáne qoǵamdyq damý mınıstri Dáýren Abaev «Beıbit kezdesýlerdi uıymdastyrý jáne ótkizý tártibi týraly» zań jobasyna qoǵam belsendileriniń talqylaýynan keıin ózgertýler engiziletinin aıtty, dep habarlaıdy QazAqparat tilshisi.

«Men bir nárseni aıtqym keledi. Biz usynǵan zańǵa aldaǵy ýaqytta ózgertýler engiziledi. Sebebi, búgin biraz pikirler men usynystar aıtyldy. Sonymen qatar, biz qazir zań jobasyn qabyldasaq ta, keıin osyǵan qaıta oralamyz, oǵan senimdimin. Óıtkeni memlekettik organdar da, qoǵamdyq belsendiler de ýaqyt óte kele ózgerister engizý qajettigin aıtady», – dedi Dáýren Abaev.

Sonymen qatar, Aqparat mınıstri mıtıng ótetin oryndy máslıhat anyqtaıtynyn atap ótti.

Aıta keteıik, búgin Almatyda QR Aqparat jáne qoǵamdyq damý mınıstri Dáýren Abaevtyń azamattyq belsendilermen kezdesýi ótti . Onda beıbit sherý ótkizý jáne uıymdastyrý tártibi jónindegi QR zańyn jetildirý máselesi qaraldy.