Beıbit jınalystar naqty reglamentteledi - Dáýren Abaev

NUR-SULTAN. QazAqparat - Qazaqstanda beıbit jınalys túrlerine naqty túsinikteme beriledi. Bul týraly QR Aqparat jáne qoǵamdyq damý mınıstri Dáýren Abaev aıtty, dep habarlaıdy QazAqparat tilshisi.

«Qoldanystaǵy zańnama kemshilikteriniń biri - beıbit jınalystardyń formasyn naqty reglamentteýdiń bolmaýy. Osyǵan oraı zań jobasynda uǵymdyq túsinikteme belgileý usynylady. Bul beıbit jınalys, jıyn, ereýil, jınalys, sherý syndy negizgi túsinikterdi qalyptastyrýǵa jáne olardyń arasyn jikteýge múmkindik beredi», - dedi Májiliste «Qazaqstan Respýblıkasynda beıbit jınalystardy uıymdastyrý jáne ótkizý tártibi týraly» jáne «Qazaqstan Respýblıkasynyń keıbir zańnamalyq aktilerine beıbit jınalystardy uıymdastyrý jáne ótkizý tártibi máseleleri boıynsha ózgerister men tolyqtyrýlar engizý týraly» zań jobalaryna tanystyrǵan Dáýren Abaev.

Onyń atap ótýinshe, zańnamada ereýil, jıyn, jınalys túrindegi beıbit jınalystardy ótkizý úshin eskertý tártibin engizý josparlanǵan.

«Bul rette jergilikti atqarýshy organdar tarapynan beıbit jınalys ótkizýge jaýap bolmaǵan jaǵdaıda ol kelisim berý dep sanalady. Degenmen sherý, jıyn túrindegi beıbit jınalystardy ótkizý úshin jergilikti atqarýshy organdardan kelisim alý qajet. Sonymen qatar zań jobasynda beıbit jınalystar ótkizý úshin balama oryn usyný quqyǵy qarastyrylatyn bolady», - dedi mınıstr.