Beıbit Shúmenovke memleketaralyq izdeý jarııalanǵan

ASTANA. QazAqparat – Kásipqoı bokstan burynǵy álem chempıony Beıbit Shúmenovke qatysty «Buzaqylyq» babymen tergeý júrip jatyr, dep habarlaıdy QazAqparat tilshisi.

«Osy jyldyń 18 maýsymynda «Mega Silkway» saýda, oıyn-saýyq ortalyǵynda oryn alǵan oqıǵa boıynsha Astana qalalalyq Polıtsııa departamenti Beıbit Shýmenovke qatysty QR Qylmystyq kodeksiniń 293-baby (buzaqylyq) boıynsha sotqa deıingi tergeý amaldaryn júrgizip jatyr. Sonymen qatar qylmystyq is júrgizý zańnamasynyń normalaryna sáıkes, atalǵan azamatqa resmı túrde memleketaralyq izdeý jarııalandy», - dep atap ótti Astana qalalyq Polıtsııa departamentiniń baspasóz qyzmetinen.

Buǵan deıin áleýmettik jelide jáne birqatar BAQ-ta Astanadaǵy iri saýda, oıyn-saýyq ortalyqtarynyń birindegi fýt-kortta janjal bolǵanyn jazǵan edik. Keıinirek qolynda balasy bar er adamǵa judyryq ala júgirgen azamattyń kásibı boksshy Beıbit Shúmenov ekeni anyqtaldy.

Іshki ister mınıstriniń orynbasary Qaırat Súntaev bokstan burynǵy álem chempıony B.Shúmenovtiń saýda ortalyǵynda er adammen tóbeleskenin rastady.

Іle-shala Beıbit Shúmenov te áleýmettik jelide taraǵan vıdeodaǵy janjaldyń mán-jaıyn túsindirmek boldy.

Boksshynyń kinási dáleldense 5 jylǵa deıin bas bostandyǵynan aıyrylýy múmkin.

22 shildede astanalyq polıtsııa sportshyny izdeýge jarııalady.