Beıbit Shúmenov álem chempıony ataǵynan aıyryldy

NUR-SULTAN. QazAqparat - Dúnıejúzilik boks qaýymdastyǵy (WBA) qazaqstandyq boksshy Beıbit Shúmenovti (18-2, 12 KO) birinshi aýyr salmaq dárejesi boıynsha álem chempıony ataǵynan aıyrdy. Bul týraly QazAqparat Sports.kz saıtyna silteme jasap habarlaıdy.

Qaýymdastyq WBA Regular nusqasy boıynsha osy dárejede álem chempıony etip burynǵy «ýaqytsha» chempıon, Belgııa sportshysy Rııad Merhıdi jarııalady. Ol kelesi jekpe-jeginde Kýba boksshysy ıÝnıer Dortıkospen kezdesýi tıis. Taraptardyń kelissóz júrgizýine 30 kún berildi.

Eske sala ketsek, buǵan deıin WBA Merhıdi Shúmenovtiń mindetti úmitkeri etip taǵaıyndaǵan, alaıda taraptar kelisimge kele almady. 29 qańtarda Beıbit Gollıvýdta, AQSh-tyń Florıda shtatynda Amerıka boksshysy Rafael Merfımen judyryqtasýy tıis edi, alaıda qazaqstandyq boksshyǵa belgisiz sebeptermen judyryqtasýǵa ruqsat etilmedi.

Atap óteıik, Shúmenov 2018 jyly elordada túrik boksshysy Hıznı Altýnkaıýdi (32-3, 19 KO) nokaýtqa túsirgen kezden beri rıngke shyqqan joq.

«WBA sheshimi ishki erejelerge negizdelip shyǵaryldy. WBA-nyń ózine usynǵan talaı múmkindikterdi paıdalanyp, jasaǵan suranystaryna qaramastan, Shúmenov óz tıtýlyn otyz aıdan astam ýaqyt qorǵamaǵan. Sol sebepti ol chempıon ataǵynan aıyrylyp, endi WBA-nyń birinshi aýyr salmaqtaǵy álem chempıony bolyp Merhı atandy», - delingen qaýymdastyq qaýlysynda.