Beıbit ómir syılaǵany úshin ardagerlerge taǵzym etemiz - Asqar Mamın

NUR-SULTAN. QazAqparat – QR Premer-Mınıstri Asqar Mamın qazaqstandyqtardy Jeńis kúnimen quttyqtady, dep habarlaıdy QazAqparat.

***

«Qurmetti otandastar, Sizderdi Uly Jeńistiń 75 jyldyǵymen shyn júrekten quttyqtaımyn!

9-mamyr qazaqstandyq otbasylardyń basym kópshiligi úshin ulyq mereke, óıtkeni biz búgin adamzat balasynyń tarıhyndaǵy eń surapyl soǵysta qan keshken qaharman ul-qyzdardyń, ákelerimiz ben atalarymyzdyń, babalarymyzdyń óshpes batyrlyǵyn jadymyzda saqtap, zor qurmetpen eske alamyz.

Biz maıdan dalasynda eren erliktiń úlgisin kórsetip, Jeńis jalaýyn jelbiretken batyr urpaqtyń, otty jyldarda tylda jankeshti eńbek etken ardagerlerimizdiń aldynda Otanymyzdy qorǵap, beıbit ómir syılaǵany úshin taǵzym etemiz.

Ardagerlerge myqty densaýlyq, jaqyndarynyń qamqorlyǵy men jylýyn, mol qýanysh pen uzaq ǵumyr tileımin.

Táýelsiz elimizdiń kóginde árqashan tynyshtyq bolsyn!