Beıbit Isabaev ózin «uıyqtap júretin ákim» deıtinderge jaýap berdi

ASTANA. QazAqparat – Ortalyq kommýnıkatsııalar qyzmetinde ótken brıfıngide Jetisý oblysynyń ákimi Beıbit Isabaev ózin jumysy kórinbeıtin «uıyqtap júretin ákim» dep pikir aıtqandarǵa jaýap berdi, dep habarlaıdy QazAqparat tilshisi.

Baspasóz maslıhaty barysynda BAQ ókili Beıbit Isbaevqa «Jumysyńyz nege kórinbeıdi, nelikten sizdi «uıyqtap júretin ákim» dep ataıdy?», dep saýal tastady.

«Iá, men uıyqtaımyn, biraq táýligine 4-5 saǵat qana. Men nemen aınalysamyn? Bul rette jaýap qysqa bolady. Oblys bólingen kezde óńir áleýmettik-ekonomıkalyq damý kórsetkishi boıynsha respýblıkada 19-20 orynda boldy. Al, endi muqııat tyńdańyz: 2022 jyldyń qorytyndysyna saı, barlyq ındıkator boıynsha Jetisý oblysy 4-orynǵa turaqtady. Bul meniń jumysymnyń nátıjesi», - dep jaýap qatty Beıbit Isabaev.

Qosa ketsek, atalǵan baspasóz maslıhaty barysynda óńir basshysy Taldyqorǵanda memqyzmetshiler, jýrnalıster, sportshylar men ártister páterdi zańsyz alǵanyn málimdep edi.