Beıbit Atamqulov jylytý maýsymyn daıyndyǵy tómen óńirlerdi atady
«Aldaǵy jylý berý maýsymyna sapaly jáne ýaqtyly daıyndalý maqsatynda mınıstrlik jergilikti atqarýshy organdarmen 2020-2021 jyldardaǵy jumys josparyn bekitti bekitilgen josparǵa sáıkes oblystardyń, Nur-Sultan, Almaty jáne Shymkent qalalarynyń ákimdikterine: 2020 jylǵy 1 qyrkúıekke deıin bilim berý nysandarynyń 100 paıyzdyq daıyndyǵyn qamtamasyz etý; 2020 jylǵy 15 qazanǵa deıin barlyq kommýnaldyq sharýashylyq, áleýmettik sala nysandaryn, turǵyn úılerdi daıyndaýdy aıaqtaý jáne barlyq avtonomdy jylý kózderin normatıvtik otyn qorymen qamtamasyz etý mindeti qoıyldy», - dedi ol.
Mınıstrdiń aıtýynsha, búgingi kúni 11 158 bilim berý nysany jylý berý maýsymyna daıyn. Bul 99,6 paıyzdy quraıdy. Bilim berý nysandary boıynsha Batys Qazaqstan oblysynda daıyndyq qarqyny tómen ekeni baıqalady.
«Jylý berý maýsymyna densaýlyq saqtaý nysandarynyń 99,2 paıyzy daıyn. Bul - 5 963 nysan. 2 óńirde obektilerdiń jylytý maýsymyna daıyndyǵy tómen ekeni baıqalady: Batys Qazaqstan oblysynda jáne Shymkent qalasynda. Jóndeý josparlanǵan 47 653 turǵyn úıdiń 46 561 nemese 97 paıyzy daıyndaldy», - deıdi Beıbit Atamqulov.
Sonymen qatar ol 3 óńirde,atap aıtqanda Shyǵys Qazaqstan, Batys Qazaqstan oblystary men Shymkent qalasynda nysandardyń daıyndyq qarqyny tómen ekenin aıtty.
«Aýa raıynyń nasharlaýyna jáne sýyqtyń erte túsýine baılanysty Aqmola, Batys Qazaqstan, Qaraǵandy, Pavlodar, Soltústik Qazaqstan oblystarynda jáne Nur-Sultan, Almaty qalalarynda jylý berý maýsymy merziminen buryn bastaldy. Qalǵan óńirlerde 15 qazanǵa deıin jylý berý josparlanǵan»,- dedi mınıstr.