Beıbit Atamqulov turǵyn úı qurylysyn damytýdyń jańa tetikterin atady

NUR-SULTAN. QazAqparat – «5-10-20» jobasyn jalǵastyrýǵa jyl saıyn420 mlrd teńge qajet. Bul týraly Úkimet otyrysynda QR Indýstrııa jáne ınfraqurylymdyq damý mınıstri Beıbit Atamqulov aıtty, dep habarlaıdy QazAqparat tilshisi.

«Jalǵa beriletin turǵyn úı qurylysyna jeke ınvestıtsııalardy tarta otyryp, turǵyn úı qurylysynyń jańa tetigi ázirlenedi. Sonymen qatar, kredıttik turǵyn úı qurylysy kólemin ulǵaıtý jáne «5-10-20» jobasyn jalǵastyrý usynylady», - dedi mınıstr.

Onyń atap ótýinshe, ol úshin jyl saıyn 420 mlrd teńge qajet. ıAǵnı bul maqsatqa 7 jyl ishinde 2,9 trln teńge qajet bolady.

«Bul jyl saıyn tirkelgen baǵamen 35 myń páter salýǵa múmkindik beredi. Osy tetik arqyly kezekte turǵan 353 myń adam qoldaýǵa ıe bolady», - dedi Beıbit Atamqulov.