Beıbit Atamqulov respýblıkalyq avtojoldardyń jaǵdaıy qashan jaqsaratynyn aıtty
«Qazaqstannyń tranzıttik kóshbasshylyǵyn nyǵaıtý maqsatynda «Nurly jol» baǵdarlamasy aıasynda tranzıttik servıs sapasyn jáne jyldamdyqty arttyrý úshin elimiz arqyly ótetin temirjol tranzıti dáliziniń ınfraqurylymyn ári qaraı damytý, sondaı-aq osal tustaryn joıý kózdelgen. 2020 jylǵa deıin respýblıkalyq jelidegi avtojoldardyń 13 myń shaqyrymy qaıta jańǵyrtyldy. «Nurly jol» baǵdarlamasy aıasynda 11 myń shaqyrym jol salynady jáne qaıta jańǵyrtylady. Onyń ishinde respýblıkalyq jelidegi 4 myń shaqyrym jolda bıyl jumystar júrgizilip jatyr», - dedi ol.
Mıınstrdiń aıtýynsha, osylaısha 2025 jylǵa deıin respýblıkalyq jelidegi avtojoldardyń barlyǵynyń jaǵdaıy jaqsarady.
«Uzyndyǵy 24 myń shaqyrymdy quraıtyn respýblıkalyq jelidegi avtojoldar boıyndaǵy qyzmet kórsetetin nysandar halyqaralyq standarttarǵa saı bolady. Bul jumys jergilikti atqarýshy organdarymen jáne bıznes ókilderimen birge júrgiziledi», - dedi Beıbit Atamqulov.