Beıbit Atamqulov qurylysshylardy kásibı merekesimen quttyqtady
«Sizderdi Mınıstrliktiń ujymynyń jáne óz atymnan kásibı merekelerińiz - Qurylysshy kúnimen quttyqtaımyn! Qurylys salasy - ulttyq ekonomıkamyzdyń mańyzdy salalarynyń biri. Al jasampazdyqtan turatyn qurylysshy mamandyǵy qaı kezde de qoǵamda erekshe qurmetke ıe. Sizderdiń eren eńbekterińizdiń arqasynda táýelsizdik jyldary elimizdiń sáýlet kelbeti kórkeıip, qalalar men aýyldar abattandyrylýda. Sapaly joldar salynyp, ınfraqurylymy jaqsaryp keledi. Qajyrly qyzmetterińiz úshin zor alǵys aıtamyn. Sizderge myqty densaýlyq, baıandy baqyt, qyzmette tabys, otbasylaryńyzǵa amandyq tileımin», - dedi Beıbit Atamqulov.
Eske sala ketsek, Qazaqstanda qurylysshylar kúni jyl saıyn tamyzdyń ekinshi jeksenbisinde atap ótiledi. Mereke 1956 jyly paıda boldy. Qurylysshylar kúnin Qazaqstannan bólek, Armenııa, Belarýs, Reseı, Ýkraına, Qyrǵyzstan da ótedi.