Beıbit Atamqulov qorǵanys tapsyrysy operatorlary ınstıtýtynan bas tartpaq
Májiliste «Qorǵanys ónerkásibi jene memlekettik qorǵanystyq tapsyrys týraly» zań jobasyn tanystyrǵan onyń aıtýynsha, memlekettik qorǵanys tapsyrys operatorlary ınstıtýty ilki joba retinde 2015 jyly engizilgen.
«Shyndyǵynda da operatorlar ınstıtýty engizilgen sátten beri belgili bir protsesster bar. Eń bastysy bizdiń áskerı qyzmetshilerimiz taýarlardy satyp alý protsesine az qatysa bastady. Atalǵan operatorlardyń arqasynda áskerı qyzmetshiler kommertsııalyq mámilelerden qorǵaldy. ıAǵnı, bul baǵyttaǵy jemqorlyq kórinisteri azaıdy. Degenmen, biz úsh jylǵa saraptama júrgizdik, keleshekte «operator» túsinigi senimsizdik týdyratyndaı teris faktorlar da bar. Birinshisi qyzmetterdiń qymbattaýy oryn aldy. ıAǵnı, eshqandaı da normatıvtik-quqyqtyq aktilermen rettelmeıtin belgili bir komıssııasy bar operatorlar paıda boldy. Máselen, ótken jyly kıim-keshekpen qamtamasyz etý bóligindegi operatorlardyń komıssııasy 1,3 mlrd teńge boldy», - dedi Beıbit Atamqulov depýtattardyń saýalyna oraı.
Mınıstrdiń atap ótýinshe, taýarlar men qyzmetterdiń qymbattaýyna jol bermeý maqsatynda tikeleı kelisimsharttar jasasý kózdelýde.
«Operatorlar ınstıtýtyn engizgen kezdegi maqsat satyp alynatyn taýarlardaǵy qazaqstandyq qamtýdy barynsha ulǵaıtý bolǵan edi. Biraq, saraptama 2015 jyl boıy kıim-keshek ımportynyń kólemi 4 paıyzǵa ósip ketkenin kórsetti. Buǵan qosa, básekelestik tómendep, konsortsıýmdar qurylǵan. Sáıkes quzireti men qural-jabdyqtary bar shaǵyn jáne orta bıznes sýbektileri memlekettik qorǵanys tapsyrysyn ala almaýda. Bul atalǵan sektordaǵy kásiporyndardyń damýyna kedergi», - dedi ol.
Aıta keterligi, zań jobasyna sáıkes qazaqstandyq ǵalymdar memlekettik qorǵanys tapsyrysymen jumys isteı alady.
Elimizde qorǵanys-ónerkásip keshenin damytý qory qurylady.