Beıbit Atamqulov Iordanııa korolimen kezdesti
17:15, 02 Naýryz 2018
ASTANA. QazAqparat - Iordanııaǵa sapary barysynda QR Qorǵanys jáne aeroǵarysh ónerkásibi mınıstri Beıbit Atamqulovty Iordanııa Koroli Abdolla ІІ qabyldady, dep habarlady vedomostvonyń baspasóz qyzmeti.
Koroldiń qabyldaýy kezinde áskerı-tehnıkalyq máseleler boıynsha yntymaqtastyq etý, kıberqorǵanys jáne ǵarysh salalary tóńireginde ózara qarym-qatynas ornatý talqylandy.
Áńgimelesý qorytyndysynda taraptar ekijaqty áriptestikti arttyrý serpini oń ekenin atap ótti jáne ony ary qaraı nyǵaıta túsýge nıet bildirdi.
Qazaqstandyq ókilder ıordanııalyqtardy aǵymdaǵy jyldyń 23-26 mamyry aralyǵynda Astana qalasynda ótetin «KADEX - 2018» qarý-jaraq jáne áskerı-tehnıkalyq V Halyqaralyq kórmesine qatysýǵa shaqyrdy.