Beıbit Atamqulov Halyqaralyq Túrki akademııasynyń prezıdentimen kezdesti
Kezdesýde taraptar Halyqaralyq Túrki Akademııasy qyzmetiniń 2018 jylǵy qorytyndylaryn talqylap, bolashaqtaǵy yntymaqtastyqtyń perspektıvalyq baǵdarlaryn bekitti.
Taraptar 2019 jylda ótkizýge josparlanǵan Túrkitanýshylardyń dúnıejúzilik kongresine daıyndyq jumystarynyń barysyn talqyǵa saldy.
Suhbat barysynda aıqyndalǵandaı, Túrkitanýshylardyń dúnıejúzilik kongresi barsha túrki álemine mańyzy zor oqıǵa bolyp, dúnıejúzilik túrkitanýdyń qaıta órkendeýine jáne osy ǵylymnyń aǵymdaǵy kúıin, jetistikterin, máseleleri men perspektıvalary tereń saraptalyp, jańa kózqarastan ótkizýge orasan zor yqpal etedi.
B. Atamqulov túrki yntymaqtastyǵynyń damýy jańa bir kezeńinde ótip jatqanyn jáne Memleket basshysy túrki ıntegratsııasyna óte mańyzdy mán beretinin atap ótti.
«Túrki halyqtarynyń arasynda baýyrlas qatynastardy nyǵaıtý men túrkitaný ǵylymyn túrki órkenıetiniń jetekshisi retinde damytý, sondaı-aq Prezıdent Nursultan Nazarbaevtyń «Uly dalanyń jeti qyry» atty baǵdarlamalyq maqalasynda bekitilgen qaǵıdattardy júzege asyrý qajettilikterin eskere kele, mınıstrlik osy suraqtarǵa zor nazaryn aýdaratynyn jáne josparlanǵan is-sharalardy uıymdastyrý men ótkizýde jan-jaqty qolǵabys kórsetedi», - dedi mınıstr.
Darhan Qydyráli Syrtqy ister mınıstrlik tarapynan Akademııa qyzmetine kórsetiletin qolǵabys úshin úlken alǵysyn bildirdi.
Kezdesý sheńberinde ol 2019 jyldyń ortasynda ıÝNESKO shtab-páterinde (Parıj q.) Túrki Akademııasyna múshe-memleketter ǵalymdarynyń qatysýymen ótetin «Uly dala: mádenı mura men dúnıejúzilik tarıhyndaǵy róli» atty is-shara jóninde aqparat berdi.