Beıbit Atamqulov aqyly joldar týraly daýǵa pikir bildirdi
«3-4 kún buryn alysqa qatynaıtyn júk kóliginiń júrgizýshileri jańa ýchaskelerde aqyly júıeni engizýge narazylyq bildirgen oqıǵalar boldy. Atalǵan máseleni sheshý úshin mınıstrliktiń, «QazAvtoJol ulttyq kompanııasynyń, «Atameken» ulttyq kásipkerler palatasynyń jáne «Kazlogıstıks» ókilderi túsindirý jumystaryn júrgizdi», - degen vedomstvo basshysy bul másele sońǵy eki jyl kóleminde «Atameken» UKP-nyń alańynda qoǵamdyq uıymdar men Qazaqstannyń tasymaldaýshylar odaǵynyń ókilderin qatystyra otyryp talqylanǵanyn eske saldy
«Aqyly joldar tájirıbesi álem keń taralǵan. Kóptegen elderde «Joldy kim paıdalansa, kútip ustaý shyǵynyn sol tóleıdi» degen ádil qaǵıda jolǵa qoıylǵan. Óıtkeni kóp jaǵdaıda jol tósemin paıdany ǵana oılaıtyn ınertti materıaldar tasymaldaýshy aýyr júk kólikteri buzyp jatyr. Onyń ústine úshinshi elderden on myńdaǵan tranzıttik júk mashınalary Qazaqstan aýmaǵy arqyly ótedi. Olar da joldyń búlinýine áser etedi. Al bizdiń tasymaldaýshylar ózge elderdiń aýmaǵy arqyly ótkende barlyq alymdardy tóleıdi ǵoı», - dedi Beıbit Atamqulov.
Onyń aıtýynsha, 2025 jylǵa deıin avtomobıl joldarynyń 11 myń shaqyrymyna aqyly júıeni engizý josparlanǵan.
«Birinshi kezeńde 2021 jyly 5,8 myń shaqyrym aqyly jol ashý josparlanýda. Keshegi aqparat sál burmalaǵan. Tasymaldaýshylarmen qosymsha jumys isteımiz dep oılaımyn. Jóndelmegen joldar aqyly bolmaıtynyn basa aıtqym keledi. Birinshi kezekte jóndelgen, eshqandaı aqaýy joq joldar aqyly bolady. ıAǵnı, 1 sanattaǵy joldar aqyly bolady.
Odan keıin ekinshi sanattaǵy joldarǵa kóshemiz. Batys Qazaqstan men Aqtóbedegi, Oraldaǵy kólik ıeleriniń narazylyǵyn estip qalǵan bolatynmyn. Negizinde Aqtóbe oblysyndaǵy joldardy aqyly etý josparda joq. Ol jaqta joldar 2025 jylǵa deıin jóndeýden ótip, talapqa saı bolýy kerek. Ulttyq standart boıynsha sanaty anyqtalady. Osydan keıin ǵana aqyly negiz engiziledi», - dedi mınıstr.