Betashar, qudalyq, qyz uzatý: Atakentte úıinde toı jasaǵan 4 turǵyn aıyppul tóleıdi

ATAKENT. QazAqparat - Túrkistan oblysynyń Maqtaaral aýdanynda úıinde toı jasaǵan turǵyndar anyqtaldy, dep habarlaıdy QazAqparat.

Maqtaaral aýdany Atakent kentiniń birneshe turǵyny karantın talaptaryn óreskel buzyp, óz úıinde toı-dýman ótkizgen.

Biri 50-ge jýyq adamǵa qyz uzatý toıyn jasasa, endi biri 60-tan astam turǵynǵa betashar toıyn istegen.

Sonymen qatar polıtsııa qyzmetkerleri kelesi bir úıde 60 adam jınalyp, ótkizilip jatqan besik toıyn anyqtady.

Jáne de kelesi bir turǵyn óz úıinde 60-qa jýyq týysyn jınap, qudalyq toıyn ótkizip jatqany belgili boldy.

Atalǵan jaıttarǵa baılanysty ýchaskelik polıtsııa ınspektorlarymen toıǵa jınalǵan qaýymǵa túsindirme jumystary júrgizilip, tarqatyldy.

Búginde belgilengen talapty saqtamaı adamdardyń kóptep jınalýyna jol bergen toı ıelerine qatysty QR ÁQBtK 425-baby boıynsha ákimshilik is-qujattar jınaqtalyp, sheshim qabyldaý úshin Maqtaaral aýdandyq SEBB-ge joldandy.