Bestóbe altyn ken ornynda taǵy bir adamnyń máıiti tabyldy

KÓKShETAÝ. QazAqparat - Aqmola oblysyndaǵy Bestóbe altyn kenishindegi shahtadan altyndy zańsyz izdeýmen aınalysqan taǵy bir adamnyń máıiti tabyldy, dep habarlaıdy QazAqparat tilshisi.

«Búgin Bestóbe kenishindegi «Zapadnaıa» shahtasynan 610 metr tereńdikte júrgizilgen tekseris barysynda 3 adam anyqtaldy. Onyń biri óli kúıinde tabylsa, ekinshisi túrli dene jaraqatyn alǵan», - dedi «Altynalmas» AK» aktsıonerlik qoǵamynyń baspasóz qyzmetinen.

Mekemeden atap ótkendeı, shahtadan tabylǵan adamdardyń ekeýi Zavodskoı aýylynyń turǵyndary, úshinshisi Jańa Qarabulaq aýylynyń turǵyny.

«Shahta ishinen tabylǵan adamdardyń barlyǵy da Bestóbe kenishiniń jumysshylary emes. Úsheýi de birneshe ret, sonyń ishinde kúzetiletin nysandarǵa zańsyz kirgeni úshin jaýapqa tartylǵan», - dedi AQ-dan.

Anyqtalǵandaı, atalǵan úsh adam altyn kenin zańsyz óndirýmen aınalysqan. Olardy shahta ishinde opyrylǵan tas úıindisi basyp qalǵan.

Aıta ketsek, atalmysh shahtanyń jumys istemeı turǵanyna bir jyldaı ýaqyt bolǵan. Іshi jerasty sýyna toly, sondaı-aq jeldetý jáne basqa da ınjenerlik júıeleri isten shyqqan. Sondyqtan shahtaǵa kirý adam ómiri úshin qaýipti.

Eske salaıyq, budan buryn Bestóbe altyn kenishinen aýyl turǵynynyń denesi tabylǵan edi.