«Besobany» sazǵa otyrǵyzǵandardyń barlyǵy sazaıyn tarta ma?» - respýblıkalyq basylymdarǵa sholý

ASTANA. 22 mamyr. QazAqparat - Qazaq aqparat agenttigi respýblıkalyq basylymdarda 22 mamyr, seısenbi kúni shyqqan ózekti materıaldarǵa sholýdy usynady.

***

«Egemen Qazaqstan» basylymynyń jazýynsha, Qazaqstan táýelsizdigin ja­rııa­laǵan sátte álemde birinshi bolyp elimizdiń egemendigin ta­ny­ǵan jáne alǵashqylardyń biri bolyp Almatyda elshiligin ashqan Túrkııamen dıplomatııalyq qa­ty­nastarymyzdyń 20 jyldyǵy atalyp ótýde.Sonaý 1992 jylǵy 2 naýryzdan bastaý alǵan Qazaqstan men Túrkııa arasyndaǵy dıplomatııa­lyq qatynastar osy jyldar ishinde eki baýyrlas el arasyndaǵy dostyq pen birlikke negiz­del­gen baılanystarǵa aınalyp, tu­raqtylyq sıpatyndaǵy strate­gııa­lyq áriptestik deńgeıine kó­te­rildi. Sondyqtan osy 20 jyl­dyq merzim ishinde Qazaq­stan­nyń eń­sesin kóterip, egemen el bolyp qa­lyptasýyna tamyry tereńde jatqan týysqan túrik baýyr­la­ry­myzdyń qoldaýy men tileý­lestiginiń yqpal etkeni daýsyz. Qazaqstan men Túr­kııa arasyndaǵy joǵary deń­geı­degi baılanystar jaıynda kóterilgen  máseleler basylymnyń búgingi sanynda «Túbi bir Túrkııa: Toǵysqan 20 jyl» atty taqyryppen basyldy.

Sondaı-aq osy basylymnyń jazýynsha, ústimizdegi jyldyń 22-24 mamyr kún­deri aralyǵynda elordada Qazaqstan Res­pýb­lıkasynyń Prezıdenti Nursultan Na­zarbaevtyń bastamasymen V Astana ekonomıkalyq forýmy ótkiziledi. Osymen qatarynan besinshi ret ótkizilip otyr­ǵan halyqaralyq bul forýmnyń basty maqsaty - álemdik qoǵamdastyqtyń jáne Qazaqstannyń ekonomıkalyq damý úr­disin­de­gi áleýmettik-ekonomıkalyq, quqyqtyq jáne mádenı máselelerdi talqylaý jáne olardy damytýdyń utymdy joldaryn tabý. Álemniń bedeldi sarapshyla­ry­­nyń aıtýynsha, Astana eko­no­mı­kalyq forýmy búgingi jahan­dyq ekonomıkalyq daǵdarystyń sebep-saldarlaryn aıqyndap, qı­yndyqtan shyǵý joldaryn bel­gileıtin shynaıy álemdik pikirsaıys alańyna aınalǵan. Bıylǵy Astana ekonomıkalyq forýmynyń basty taqyryby - «Jahandyq ekonomıkalyq óz­ge­rý­ler: syn-qater jáne damý pers­pektıvalary» dep atalady. Atalmysh mańyzdy forým jaıynda «Egemen Qazaqstan» basylymynyń búgingi sanyndaǵy «Álemdik pikirsaıys sahnasy» atty maqalada basyldy.

                                                                                                ***

 «Úkimet saǵaty» aıasynda de­pýtattar aldynda esep berý úshin keshe Parlament tabaldy­ryǵynan Tótenshe jaǵdaılar mı­nıstri V.Bojko myrza ishke attaǵan bolatyn. Osyny paıdalanyp, de­pýtat Maıra Aısına kókeıin tesken saýalyn tótesinen qoıdy. Qazirgideı almaǵaıyp zamanda qorǵansyzdyń kúni kún emes. Al depýtat hanymnyń aıtýynsha, keıbir elderde zań boıynsha azamattar ózderin jeke qorǵanysh zattarymen ózderi qamtamasyz etýge mindetti eken. «Tipti osy talapty oryndamaǵandar ákimshilik jazaǵa tartylady» ,-dedi M.Aısına. Muny estip, TJM bas­shysy qoldy bir-aq siltedi: «Bizdiń azamattardy «protıvogazdar» satyp alýǵa májbúrleý deısiz be?! Biz olardy óz múlikterin saqtandyrýǵa májbúrleı almaı júrmiz, al «protıvogazǵa» qatysty bulaı isteý eki ese qıynǵa aınalady!» ıAǵnı bul - «múmkin emes» degendi bildirse kerek. Áıtkenmen, bir amalyn qylý qajetteı, óıtkeni keshe Vladımır Bojkonyń ózi qazaqstandyqtardy jappaı jeke qorǵanysh zattarymen qamtý máselesiniń sheshilmegen kúıi qalyp otyrǵandyǵyn ashyq aıtty. Bul týraly «Aıqyn» basylymynyń búgingi sanyndaǵy «Qorǵansyzdyń kúni kún emes» atty maqalada jazylǵan.

Úkimet erekshe kóńil bóletin «monoqalalardyń» qatary ózgerissiz qaldy! Buǵan deıin birneshe oblystyń ákimderi taǵy birneshe qalalaryna osyndaı aıryqsha «ataq» berýdi surap, qolqa salyp edi, biraq olardyń tilekterin ortalyqtaǵy sheneýnikter qulaqqa ilmegenge uqsaıdy. Ákimderge basqa shaǵyn qalalaryn jergilikti bıýdjetterinen damytýǵa keńes berilipti. Keshe Mınıstrler kabıneti óz otyrysynda 2012-2020 jyldarǵa arnalǵan «Monoqalalardy damytý baǵdarlamasyn» aqyry qabyldady. Bul baǵdarlamamen turǵyndarynyń jalpy sany 1,5 mıllıon adamdy quraıtyn (al bul Qazaqstandaǵy qala halqynyń 16%-y) jáne jalǵyz ǵana salany ne kásiporyndy tirek etken 27 shahar gúldendiriletin bolady. Atalmysh másele «Aıqyn» basylymynyń búgingi sanyndaǵy «Elimizde 27 shahar gúldenetin boldy» atty maqalada kóterilgen. 

                                                                                                     ***

«Alash aınasy» basylymynyń búgingi sanynda «Kıikterge taǵy da jumbaq kesel tıdi» atty aqparat jarııalandy. Basylymnyń jazýynsha, Qostanaı oblysy aýmaǵynda 80 bas óli kıik tabyldy. 19 mamyr kúni bul habarlama Qostanaı oblystyq Tótenshe jaǵdaılar departamentiniń jedel kezekshilik bólimine kelip túsken.  Jappaı qyrylýdyń sebep-saldary apta sońyna deıin anyqtalmaq .

Osy basylym betinde jarııalanǵan «Besobany» sazǵa otyrǵyzǵandardyń barlyǵy sazaıyn tarta ma?» atty maqalada Qaraǵandydaǵy atalǵan turǵyn úı keshenine baılanysty týyndaǵan másele kóterilip otyr.

«Qaraǵandyny «Besoba» turǵyn úı kesheni qara bet qyldy. Qasqyrǵa qoı baqtyrǵandaı bolǵan istiń aq-qarasy anyqtala ma? «Besobany» sazǵa otyrǵyzǵandar sazaıyn tarta ma? Kópshiliktiń kókeıin tesken jalǵyz-aq saýal - osy bul kúni»,-delingen basylymda

                                                                                                      ***

Keshe Memleket basshysy Nursultan Nazarbaev «General Electric Transportation» prezıdenti jáne bas atqarýshy dırektory Lorenzo Sımonellıdi qabyldady. Kezdesý barysynda Nursultan Nazarbaev Qazaqstanda «General Electric Transportation» kompanııasymen tyǵyz áriptestik ornaǵanyn atap ótti. Atap aıtqanda, Astanada «Qazaqstan temir joldary» AQ-men birlesken lokomotıv qurastyrý jobasy oıdaǵydaı júzege asyryldy. Óz kezeginde L.Sımonellı General Electric Transportation-tiń Qazaqstanmen yntymaqtastyǵynyń zor mańyzyn atap ótti. Atalǵan kompanııamen yntymaqtastyq boıynsha «Kazahstanskaıa pravda» basylymynyń búgingi sanyndaǵy «Lokomotıv ınvestıtsıonnogo partnertstva» atty materıalda tarata jazylǵan.