Besinshi Dúnıejúzilik kóshpendiler oıyndaryna Aqtóbeden 7 sportshy qatysady

<p>AQTÓBE. KAZINFORM &ndash; Aqtóbelik sportshylar toǵyzqumalaq, asyq atý, qazaqsha qúres jáne qurash oıyndarynda synǵa túsedi. Sonymen birge Astanada Aqtóbe ónerpazdary kontsert ótkizedi.&nbsp;</p>

Aqtóbe oblysy ákiminiń baspasóz qyzmetiniń habarlaýynsha, Aqtóbe oblysynyń delegatsııasy besinshi Dúnıejúzilik kóshpendiler oıyndaryna attandy. Aqtóbeden Azamat Qaıdarov, Móldir Serikqyzy, Ǵaryshbek Qulybek, Nazerke Azamatova, Baqyt Qusaqbaeva, Ádilet Shalǵynbekuly jáne Beknur Bektaı qatysady. Ol toǵyzqumalaq, asyq atý, qazaqsha kúres jáne qurash sport túrlerinen synǵa túsedi.

– Sportshylardy Áıteke bı aýdanynda shyǵaryp saldy. Bul oryn kezdeısoq tańdalǵan joq. Bıyl Qazaqstan Áıteke bıdiń týǵanyna 380 jyl tolýyn atap ótip jatyr. Aqtóbelikter sondaı-aq Astanaǵa «Islam-bulaq» qasıetti bulaq kóziniń sýyn da aparady. Bul bulaq sýynyń emdik kúshi jaıly ańyz kóp. Delegatsııa quramynda oıyndardyń mádenı baǵdarlamasyna qatysatyn shyǵarmashylyq ujymdar da bar. Sonymen qatar «Kóshpendiler álemi» etnoaýylyn uıymdastyrý úshin arnaıy daıyndalǵan kıiz úıler jiberildi, - dep habarlady Aqtóbe oblysy ákiminiń baspasóz qyzmeti. 

Aıta keteıik, Dúnıejúzilik kóshpendiler oıyndary 8-13 qyrkúıek kúnderi Astanada ótedi.