«Beske deıin úlger»: Elimizde mektep jasyna deıingi balalardyń ata-analaryna arnalǵan mobıldi qosymsha iske qosylady

<p>ASTANA. KAZINFORM &ndash;&nbsp;&nbsp;Ata-analarǵa balalardy erte jastan kútý jáne damytý boıynsha konsýltatsııalyq kómek kórsetý úshin &laquo;Beske deıin úlger&raquo; mobıldik qosymshasy iske qosylady, dep habarlaıdy QR Oqý-aǵartý mınıstrliginiń baspasóz qyzmeti.</p>

Mobıldi qosymsha úıde bala tárbıelep otyrǵan ata-analarǵa densaýlyq, tamaqtaný, tárbıe, daǵdylardy qalyptastyrý men damytý jáne ózara qarym-qatynas qurý boıynsha qoljetimdi aqparat usynady. Qosymshanyń mazmuny álemdik ınstıtýttardyń neırobıologııalyq zertteýleriniń ǵylymı derekteri negizinde ázirlengen jáne bizdiń mádenı-tarıhı qundylyqtarymyz eskerilgen.

«Qazirgi ýaqytta qosymsha Qaraǵandy, Shyǵys Qazaqstan, Qyzylorda jáne Aqtóbe oblystarynyń mektepke deıingi uıymdarymen birlesip pılottyq rejımde synaqtan ótip jatyr. Ony tolyq masshtabtaý qarasha aıynda júzege asyrylady. Sondaı-aq onyń mazmuny sabaqtarǵa arnalǵan ıdeıalar men praktıkalyq keńester usynyla otyryp, konsýltatsııalyq ortalyqtarda paıdalanylatyn bolady», - dep atap ótti Mektepke deıingi bilim berý departamentiniń dırektory Manar Adamova.

Aıta ketý qajet, mobıldi qosymsha mektepke deıingi uıymdardyń konsýltatsııalyq pýnktterinde qoljetimdi bolady. Ata-analar mektep jasyna deıingi balalardy tárbıeleý jáne damytý máseleleri boıynsha táýlik boıy ádistemelik jáne psıhologııalyq kómek ala alady.

Buǵan deıin  115 myńǵa jýyq bala «Balaqaılar mektebi» baǵdarlamasy boıynsha mektepaldy daıyndyqtan ótkenin jazǵan bolatynbyz.