Besqaraǵaıdan Lıvanǵa: Qazaqstandyq jaýynger bitimgerlik mindetin qalaı atqaryp júr
- Evgenıı, aldymen ózińiz týraly qysqasha áńgimelep berseńiz.
- Shyǵys Qazaqstan oblysy Besqaraǵaı aýdanynyń týmasymyn. 2016 jyly áskerge shaqyrylyp, Qapshaǵaıdaǵy 32363 áskerı bólimine (desanttyq-shabýyl brıgadasy) tústim. Bir jyldyq boryshymdy atqarǵannan keıin, kelisimshart boıynsha qyzmet etýge qaldym. Osydan keıin bir jarym jyl boıy sol áskerı bólimde qyzmette júrdim. Lıvanǵa barý týraly usynys kelgennen keıin, qujattarymdy tapsyryp, úsh kezeńdik tekseristen, irikteýden óttim. Mıssııaǵa 6 aı daıyndaldyq. Osylaısha, Lıvanǵa kelip qaldyq.
- Úsh kezeńdik tekseris týraly aıtyp qaldyńyz. ıAǵnı, bul mıssııaǵa qabyldanýdyń ózi ońaı bolmaǵany ǵoı. Tereńirek aıtyp berseńiz...
- Eń birinshi kezekte birneshe psıhotestten óttik. Onyń qorytyndysy boıynsha kelesi kezeńdegi irikteýler bastaldy. Daıarlyq barysynda dene mashyǵyna da erekshe nazar aýdarylady. Sonymen qatar mıssııanyń ereksheligi, ondaǵy mindetimiz jiti túsindirildi. Lıvandaǵy qyzmet barysynda qajetti daǵdylardyń bárin úırendik. Úsh aılyq osyndaı oqý kezinde Lıvannyń ereksheligi, halqy týraly, bitimgerliktiń qyr-syry týraly mol maǵlumatpen qarýlandyq. Jergilikti halyqpen tildesý, ártúrli jaǵdaıda qalaı áreket etý kerektigin bildik. Daıyndyq jumystary polıgonda júrgizildi.
- Lıvandaǵy qazaqstandyq bitimgershilik kontıngenttegi bir kúnińizdi baıandap bere alasyz ba?
- Kúnimiz ádettegideı dene mashyǵyn jetildirýden bastalady. Saǵat tańǵy 05.15 kezinde turamyz da, tańǵy jattyǵý men astan keıin otyryp, Lıvandaǵy sońǵy jańalyqtardy tyńdaımyz. Qazaqstandaǵy jańalyqtardy da aqtaramyz. Aptanyń ár kúninde ótýi tıis oqý bar. Baılanys, jergilikti halyqpen tildesýdiń qyr-syryn meńgeremiz. Osydan soń ártúrli bekette kezekshilik qyzmetke taraımyz. Blok-beketter men avtopatrýlder bar. Sonymen birge shtabtaǵy narıadqa da túsemiz. Úndistandyq áskerı qyzmetshilermen de birlese jumys júrgizemiz. Olar bizge, biz olarǵa kómektesemiz. Kezekshilikti atqaryp bolǵannan keıin ádette dene shynyqtyrýmen aınalysamyz. Bizdiń armııa úshin – bul mindetti. Dene daıarlyǵy árdaıym myǵym bolýy kerek.
- Qazaqstandyq kontıngenttiń bári bir jerde shoǵyrlanǵan ba?
- Qazaqstandyq kontıngent birneshe vzvodqa bólinip, ekinshi vzvod ekinshi jerge ornalastyrylǵan. 15 ofıtser men 105 kelisimshart boıynsha áskerı qyzmetshi barmyz.
- Lıvandaǵy ahýal qandaı? Shynaıy qaýip týarlyqtaı qaqtyǵystar bola ma?
- Qazirgi ahýal mundaǵy áskerı qyzmetshiniń bárine málim. Jaǵdaı turaqty. Eshqandaı ádetten tys, tótenshe jaǵdaı joq. Lıvannan da, basqa memleketter tarapynan da qandaı da bir oqshaý áreket joq. Eshkimmen soǵysyp júrgen joqpyz. Basty maqsat – beıbitshilikti kúzetip, jergilikti halyqqa kómek qolyn sozý. Munda Lıvan men Izraıl shekaralary arasynda kók syzyq bar. Sol jerde adamdardyń shekarany kesip ótý jaǵdaılary kezdesedi. Sondaı zańsyz oqıǵalar boıynsha jergilikti Lıvan armııasyna kómektesemiz. ıAǵnı munda biz eshqandaı kúsh pen bılikti kórsetip júrgen joqpyz.
- Lıvannyń klımaty qandaı eken? Beıimdeldińizder me?
- Munda tamaq nemese áskerı kıim, basqa da kerek-jaraq jaǵynan eshqandaı másele joq. Klımaty álbette, bizdiń Qazaqstannan bólek. Qazir aıtarlyqtaı kún ystyq. Kún 40 gradýsqa deıin ysıdy. Qysta qardyń ornyna jańbyr jaýady eken. Bizdiń eldegideı aıaz joq. Ómirimde tuńǵysh ret qarsyz qysty ótkerdim.
- Lıvanǵa barýǵa ótinishti ózim bildirdim dedińiz. Qansha aıtqanmen Qazaqstannyń bir óńirine emes, alystaǵy Lıvanǵa bara jattyńyz. Úı-ishińiz bul sheshimge qarsy bolǵan joq pa?
- Otbasymmen kúnde baılanysqa shyǵyp, sóılesip turýǵa tyrysamyn. Olar áý bastan sheshimimdi qorqynyshsyz qabyldady. Álbette, alańdap, jaǵdaıymdy bilip turady. Jaǵdaıdy olarǵa túsindirgennen keıin munda eshqandaı qaýip joqtyǵyna kózderi jetken sekildi.
- Lıvanda Qazaqstannan basqa qandaı elderdiń bitimgerleri bar?
- Munda Ispanııa, Frantsııa, Nepal, Indonezııa, Fınlıandııa, Úndistan elderiniń kontıngentteri bar. Olar da biz sekildi mindetterdi oryndaıdy.
- Kontıngentter arasynda qandaı da bir sporttyq saıystar bolyp turatyn shyǵar?
- Iá, ártúrli saıystar uıymdastyrylyp otyrady. Olarmen voleıbol, fýtbol, úlken tennıs nemese ústel tennısin oınaımyz. Kúres pen sýda júzý jaǵdaıy da munda qarastyrylǵan. Dene mashyǵyn saqtaýdy maqsat tutatyn áskerıler úshin bul sporttyq saıystardyń bári de mańyzdy, qajet. Biraq bulardy saıys emes, daıarlyq dep aıtar edim. Jergilikti armııamen birge atys alańdaryna baryp, atý daǵdysyn shyńdaımyz. Bizdiń jaýyngerlerdiń bári de úzdik nátıjelerge ıe. Máselen týrnıktegi daǵdy jaǵynan bizdiń armııanyń aldyna túsetin ásker joq.
- Kelisimshart boıynsha áskerı qyzmette júrgendikten aılyq alasyz. Lıvandaǵy qyzmetińiz úshin joǵary ústemeaqy da tólenetin bolar?
- Iá. Ústemeaqy aıtarlyqtaı dárejede qosylady. Biraq men qazir jaspyn. Aqshany aldyńǵy qatarǵa qoımas edim. Maǵan jáne meniń janymdaǵy qatarlastaryma osynda alatyn tájirıbe qymbat. Máselen, munda ártúrli kontıngenttegi adamdar aǵylshyn tilinde sóılesedi. Shynymdy aıtsam mektep kezinde aǵylshyn tilin qansha oqysaq ta, meńgere almaı kettim. Al munda shynaıy tildik ortaǵa kelgennen keıin ol tildi aıtarlyqtaı úırenip qaldyq. Ol da – tájirıbe. Odan bólek, basqa elderdiń áskerinen de alar tájirıbelerimiz barshylyq. Munda kelgeli Ispanııa, Úndistan elderiniń armııasy óz áskerı qyzmetin qalaı atqaratynyn kózben kórdik. Keleshekte ózimizden keıingi býynǵa úırengen daǵdymyzdy sińire alamyz. ıAǵnı aılyqtan buryn biz úshin tájirıbe mańyzdy.
- Suraqtarǵa jaýap bergenińizge rahmet!