Bes jylda Túrkistan oblysynda 40 myń jańa jumys orny ashylady
«Óńirdiń qoǵamdyq quqyqtyq tártibin qamtamasyz etýge baǵyttalǵan sharalar qarastyrylǵan. Atap aıtqanda, polıtsııa departamentiniń ǵımarattar kesheni men jedel basqarý ortalyǵy, órt sóndirý deposy salynady. Keshendi jospardy iske asyrý 2025 jylǵa qaraı shamamen 40 myń jańa jumys ornyn qurýdy, negizgi kapıtalǵa ınvestıtsııalar 3 ese jáne ónerkásip kóleminiń 35%-ǵa ósýin, eńbek ónimdiliginiń 52,1%-ǵa ulǵaıýyn, halyqtyń naqty kiristeriniń 54,8%-ǵa ósýin qamtamasyz etedi», - dedi Ulttyq ekonomıka mınıstri Áset Erǵalıev Úkimet otyrysynda.
Mınıstr keshendi jospardy ýaqtyly jáne tolyq iske asyrýdyń arqasnyda 2025 jyly jalpy óńirlik ónimniń naqty ósýi 6,3% bolady degen boljamyn jetkizdi.
«Keshendi jospardy oryndaý óńirdiń ekonomıkalyq áleýetin iske asyrýǵa múmkindik beredi, jeke ınvestıtsııalardyń kelýine serpin beredi jáne halyqtyń ómir súrý sapasy men ál-aýqatyn arttyrýdy qamtamasyz etedi», - dedi Áset Erǵalıev.