Bes jylda MÁMS-ke 3,1 trln teńge aýdarylǵan

ASTANA. QazAqparat – «Áleýmettik medıtsınalyq saqtandyrý qory» kommertsııalyq emes aktsıonerlik qoǵamynyń basqarma tóraǵasy Sábıt Ahmetov redaktsııa saýalyna joldaǵan jaýabynda MÁMS júıesi qurylǵannan beri qansha aqsha aýdarylǵanyn málim etti, dep habarlaıdy QazAqparat tilshisi.

«MÁMS-ke 2017-2022 jyldar kezeńinde mindetti áleýmettik medıtsınalyq saqtandyrý jarnalary men aýdarymdar túrinde 3 trln 139,6 mlrd teńge tústi. Degenmen, 2017 jyly tek jumys berýshiler men azamattyq-quqyqtyq kelisimshart boıynsha jumys isteýshiler, jeke kásipkerler ǵana tólem jasaǵanyn aıtý kerek. 2018 jyly jumys berýshiler men jeke kásipkerler, al 2019 jyly jumys berýshiler men biryńǵaı jıyntyq tólem tóleýshiler tóleı bastady», - dep jazady Sábıt Ahmetov.

Qor basshysynyń málimeti boıynsha, MÁMS qarajaty memleket esebinen de tolyǵyp jatyr.

«Sondaı-aq, MÁMS-ke túsken aqshanyń aıtarlyqtaı bóligi memleketten keledi. Óıtkeni, memleket jeńildigi bar sanattardyń ókilderi úshin jarna aýdarady. Bul soma 2020 jyldan búginge deıin shamamen 1,3 trln teńge boldy», - delingen jaýapta.