Bes jylda 30 myń shaqyrym jergilikti joldy jóndeý kózdeledi
«QR Indýstrııa jáne ınfraqurylymdyq damý mınıstri Roman Sklıardyń tóraǵalyǵymen Qazaqstan Respýblıkasynyń 2020 - 2025 jyldarǵa arnalǵan «Nurly jol» ınfraqurylymdyq damý memlekettik baǵdarlamasy tujyrymdamasynyń jobasy tanystyryldy. Jıynǵa Májilis depýtattary, «Qazaqstan temirjoly» UK» AQ, «Atameken» UKP, «Kazlogistics» kólik jáne logıstıka uıymdary men qaýymdastyǵynyń, QR IIDM salalyq bólimsheleriniń ókilderi qatysty», delingen habarlamada.
Tujyrymdamany talqylaý barysynda 2015-2019 jyldarǵa arnalǵan qoldanystaǵy «Nurly jol» memlekettik baǵdarlamasy aıasynda iske asyrylǵan jobalardyń mańyzdylyǵy aıtyldy jáne 2020-2025 jyldarǵa arnalǵan jańa «Nurly jol» memlekettik baǵdarlamasyn ázirleý boıynsha jalǵastyrylatyn jumystardyń negizgi baǵyttary aıqyndaldy.
Ázirlenip jatqan memlekettik baǵdarlamada jergilikti deńgeıdegi jol ınfraqurylymyn qalpyna keltirýge jáne damytýǵa basymdyq beriledi. 2025-shi jylǵa deıin 30 myń shaqyrym jergilikti avtojoldy qalpyna keltirý josparlanýda.
Osy mindetti sheshý úshin aýmaqtardyń kólik ınfraqurylymyn, onyń ishinde baılanystyrýshy ýchaskelerdi, kireberisterdi, aınalma joldardy, jol aıryqtardy, sondaı-aq aýmaqtar arasyndaǵy kólik baılanystaryn jańǵyrtý kózdelgen.
Avtojol ınfraqurylymyn jáne kólik qyzmetterin damytý salasynda oblystyq jáne aýdandyq mańyzy bar avtomobıl joldaryn, eldi mekenderdiń kóshe jelilerin jóndeý jáne qaıta jańartý jónindegi basym jobalardy jáne «Úıge deıingi jol» qaǵıdaty boıynsha kireberisterdi qamtý josparlanýda.
Áýe kóligi salasynda áýe kemeleri parkin jańartýdy jáne áýejaılardyń ınfraqurylymyn jańǵyrtýdy qosa alǵanda, óńirlik avıatsııany damytý jónindegi sharalar kesheni qarastyrylatyn bolady.
Memlekettik baǵdarlama mindetteriniń biri ınfraqurylymdyq keshenniń tehnologııalyq, ǵylymı-ádistemelik jáne resýrstyq qamtamasyz etilýin arttyrý.
Osy mindetterdi sheshý úshin baǵdarlamada tehnologııalar transferti, basqarýdyń Zııatkerlik júıelerin engizý, kólik keshenin damytý jáne jetildirý salasynda qoldanbaly ǵylymı zertteýler júrgizý, kadr resýrstaryn damytý jónindegi is-sharalar atqarylatyn bolady.
Avtojol ınfraqurylymyn jáne avto tasymaldardy damytý salasynda 6,6 myń km respýblıkalyq, 30 myń km jergilikti avtojoldar men eldi mekenderdiń kóshe-jol jelilerin jóndeý jáne qaıta jańartý boıynsha ótpeli jáne jańa jobalardy iske asyrý josparlanǵan.
Baǵdarlamada Oral, Qostanaı, Óskemen, Shymkent, Atyraý, Qyzylorda, Almaty qalalaryndaǵy aerovokzal keshenderin qaıta jańartý; barlyq kommýnıkatsııalary bar jergilikti áýe jelileriniń 11 áýe aılaǵyn salý, áýe kemeleriniń lızıngin sýbsıdııalaý, tranzıttik áýe tasymaldardy damytý belgilengen.
Baılanys, navıgatsııa jáne baqylaý júıesin damytý avıatsııalyq personaldy daıarlaý júıesin jetildirýmen baılanystyrylady.